Павлодар облысының әкімі Болат Бақауов аталған орындардың қонақтарды қабылдауға дайындығын тексеру үшін Баянауыл ауданына барды. Дәстүрлі түрде туристердің көпшілігі жиналатын Жасыбай көлінде өңір басшысы жағажайға барып, жаңа демалыс үйлерінің құрылысын тексерді. Курорттық аймақта жақсы демалу үшін барлық жағдайлар жасалған жаңа жайлы қонақ үйлер пайда болды.

- Ең маңызды орын алған өзгеріс – Баянауылға жететін жол, -дейді Қарағанды тұрғыны Ерлан Жексенов. – Бұл біз сияқты Қарағанды тұрғындары үшін осы демалыс орнына келуге өте ыңғайлы. Баянауыл жақын бола түсті десек те болады. Мүмкін павлодарлықтар да келуді қатты қалайтын шығар. Бұл жерге келген павлодарлықтар көп.

Биылғы жазда Сабындыкөл көлінде экстремалды су спорты түрлерін дамыту туралы шешім қабылданды. Су шаңғысы мен виндсерфингтің әуесқойлары су қоймасының жағасына келе бастады.

- Павлодарда виндсерфингпен әуестенетін шамамен 20-25 адам бар, - дейді әуесқой спортшы Александр Прядкин. – Мұндай тақталармен Усолка өзенінде, Ертісте және Сабындыкөлде жүзуге болады. Осы үш орында барлық қажетті жағдайлар бар. Сондықтан виндсерфингпен әр адам айнлыса алады. Бұл бір қарағанда қиын көрінгенімен оңай.

Облыс әкімі осы спорт түрімен айналысып көруге уәде берді. Сонымен қатар, Болат Бақауов Сабындыкөлде виндсерфингке арналған құрал-жабдықтарды жалға беру орынын ашуды ұсынды.

Сондай-ақ, Торайғыр көлінде демалыс аймағын дамытып жатқан кәсіпкерлер ауылдан көлге дейінгі жол құрлысына көмектесуді өтінді. Алдын ала мәліметтер бойынша шамамен 5 шақырым жол жабындысын төсеу қажет.

- Демалыс күндері бізде 40-60-қа жуық турист демалады, -дейді туристік базаның басшысы Ерлік Жарболов. – Көбісі осы жол жөнінде ескерту жасайды.

Өңір басшысы мәселені қарастыруды тапсырды және облыс басшылығы туристік бизнесті дамытатын жеке кәсіпкерлерге қолдау көрсететінін атап өтті.

Дулат Райымбек
Фото: Валерий Бугаев

pavlodarnews.kz

Тэги: Павлодар, Баянауыл, курорт, демалыс, турист, маусым