Бұл туралы ҚазАқпарат тілшісі Қазгидрометке сілтеме жасап хабарлайды .

«13 қыркүйекте Қазақстанның басым бөлігінде антициклон орналасуына байланыста жауын-шашынсыз ауа райы күтіледі. Тек еліміздің солтүстігінде құбылмалы ауа райы сақталады – кей жерлерде найзағайлы жаңбыр жауады. Кей жерлерде тұман, жел күшейеді», делінген болжамда.

Түнде және таңертең Ақмола, Шығыс Қазақстан облыстарының кей жерлерінде тұман күтіледі, таңертең және күндіз жел 15-20 м/с күшейеді. Жамбыл облысының кей жерлерінде тұман күтіледі, түнде және таңертең кей жерлерінде жел 15-20 м/с күшейеді.

Түркістан облысының кей жерлерінде жел 15-20 м/с күшейеді.

Қостанай, Солтүстік Қазақстан, Қарағанды облыстарының түнде және таңертең кей жерлерінде тұман күтіледі.

Түркістан, Қызылорда облыстарында, Жамбыл облыстарының кей жерлерінде, Карағанды облысында, Ақтөбе, Батыс Қазақстан облыстарының оңтүстігінде, Атырау, Алматы облыстарының батысында өте жоғары өрт қауіпі сақталады.

 

 

pavlodarnews.kz

Тэги: