Облыстық Jaidarman лигасының өкілі Серікболсын Қинаятовтың айтуынша, облыс әкімінің Кубогына өңіріміздің Павлодар, Екібастұз және Ақсу командаларынан бөлек, Нұр-Сұлтан, Петропавл, Көкшетау және Семей қалаларының ұжымдары қатысатынын растады.

- Ойын Павлодар облысы ақпарат және қоғамдық даму басқармасының ұйымдастыруымен өткізіледі, - дейді Серікболсын Қинаятов. – Көңілді тапқырлар клубының ойынына республикалық жоғары және премьер-лига командалары қатысады. Жүлде қоры – 1 000 000 теңге.

Әділ қазылар алқасын «Қазақстан КВН Одағы» республикалық жастар қоғамдық бірлестігінің президенті Есен Елеукен бастайды деп күтілуде.

Павлодар облысы әкімінің Кубогы 20 қарашада сағат 19:00-де Естай атындағы мәдениет сарайында өтеді. Кіру тегін.

Айбек Жұматов

pavlodarnews.kz

Тэги: Жайдарман, Jaidarman, КВН, жастар, мәдениет, Есен Елеукен