Атап айтқанда, Оңтүстік Қазақстан, Қызылорда, Ақтөбе, Павлодар, Қарағанды облыстарының кей жерлерінде тұман болады. Батыс Қазақстан, Атырау облыстарының кей жерлерінде тұман, көктайғақ күтіледі.

Шығыс Қазақстан, Қостанай облыстарының жекелеген аумақтарында жаяу бұрқасын, тұман болжанады, желдің екпіні 15-20 м/с-қа дейін күшейеді. Солтүстік Қазақстан облысының кей аумақтарында бұрқасын және тұман болып, күндіз жел 15-20 м/с-қа артады. Ақмола облысында жаяу бұрқасын, тұман күтіледі.

Алматы облысының кей жерлерінде тұман болады, Жалаңашкөл ауданында желдің жылдамдығы 20-25 м/с-қа дейін күшейеді. Жамбыл облысының кей жерлерін тұман басуы ықтимал, таңертең және күндіз жел 15-20 м/с-қа күшейеді.

Маңғыстау облысының жекелеген жерлерінде тұман, көктайғақ болып, желдің екпіні күндіз 15-20 м/с-қа артады, деп жазады ҚазАқпарат.

pavlodarnews.kz