Бұл туралы ҚазАқпарат тілшісі ҚР СІМ баспасөз қызметіне сілтеме жасап хабарлайды.

«Бүгін таңертең Алматы қаласының әуежайына бірінші гуманитарлық көмектің партиясы келді. Оның ішінде тепловизор, тест жиынтығы, медициналық бахила, қолғап, көзілдіріктер және медициналық киім кіреді. Жақын арада Қытайдан медициналық қорғаныс құралдарының тағы да келуі күтілуде» делінген хабарламада.

Мәліметке сай, Алматы әуежайында жүкті «Фармация» СҚ, Алматы қаласындағы ҚР СІМ өкілдігі, ҚХР Бас консулдығы өкілдері күтіп алды.

Айта кетейік, бұған дейін Қазақстан да Қытайға гуманитарлық көмек жасаған болатын. Кейін Қытай Халық Республикасы Сыртқы істер министрлігі коронавирус індетімен күрес үшін жеткізілген Қазақстанның гуманитарлық көмегіне алғыс білдірді.

pavlodarnews.kz

Тэги: