Басқарманың мәліметінше, бүгінгі күні облыстың 1291 тұрғыны айына 42500 теңге мөлшерінде әлеуметтік төлемді алды.

- Әлеуметтік жәрдемақыларды тағайындау үшін жұмыс берушілер өтінішпен қызметкерлердің тізімін ғана ұсынады, - дейді ведомствода. - ЖК, ЖП, АҚС және БЖТ төлеушілер жеке деректерді көрсете отырып, тек өтініш береді. Сондай-ақ, қызметкер жұмыс берушінің өтініш беруін күтпей-ақ өтінішті өзі бере алады. Бұл ретте барлық өтініш берушілер ТЖ режимін енгізуге байланысты табыстарды жоғалту фактісінің шынайылығы үшін өзіне жауапкершілік алады.

Өтініш «Электрондық үкімет» веб-порталында «Электрондық өтініш» сервисі, «Telegram Bot» мессенджері (ұялы байланыс) арқылы электрондық форматта беріледі.

Әлеуметтік төлем тағайындау үшін қызметкердің (ЖК және ЖП дербес) мемлекеттік әлеуметтік сақтандыру қорына (АҚС үшін – БЖЗҚ-ға жарналар) соңғы 12 айда кемінде 1 рет әлеуметтік аударымдар жасауы жеткілікті болады.

Әлеуметтік аударымдар немесе зейнетақы жарналарының бар-жоғын автоматты түрде «Азаматтарға арналған үкімет» мемлекеттік корпорациясы» КЕАҚ тексереді.
Өтінімдерді қарау және әлеуметтік төлемді тағайындау мерзімі қысқартылды, 3 жұмыс күнін құрайды.

Әлеуметтік жарналары жоқ және бұрын болмаған азаматтарға қалай болу керек?

Бұл  – бейресми жұмыс істеген, еңбек шарттары жоқ, салық төлемеген және ешқандай ақша аудармаған адамдар. Олар да 42 500 теңге алу мүмкіндігі болады. Ол үшін өз мәртебесін формализациялау және БЖТ төлеу жеткілікті.

Бүгінгі күні БЖТ – бұл қала тұрғындары үшін - 2651 теңге және ауыл тұрғындары үшін - 1325 теңге.

Бір рет төлеп, келесі күні сіз ТЖ кезеңіне ай сайын 42 500 теңге алу құқығын аласыз.

БЖТ-ді екінші деңгейлі банктердің мобильдік қосымшаларында және «Қазпошта» бөлімшелерінде төлеуге болады.

Әлеуметтік төлем мөлшері бір адамға айына 42,5 мың теңгені (ең төменгі жалақы) құрайды және келесі санаттағы азаматтарға тағайындалады:

- орта, шағын және микробизнес субъектілерінің қызметкерлері (тіркелген ШОБ саны-13556, ШҚ-3456);
- жеке кәсіпкерлер (бұдан әрі – ЖК) (тіркелген ЖК саны -35153);
- жеке практикамен айналысатын адамдар (нотариус, жеке сот орындаушысы, адвокат, кәсіби медиатор) (бұдан әрі – ЖП);
- бірыңғай жиынтық төлемді төлеушілер (бұдан әрі – БЖТ) (БЖТ саны 3398 адам);
- нысанасы жұмыстарды орындау (қызметтер көрсету) болып табылатын азаматтық-құқықтық сипаттағы шарттар (бұдан әрі – АҚС) бойынша табыс табатын адамдар, салық агенттері олар үшін міндетті зейнетақы жарналарын аударған жеке тұлғалар кіреді.
- карантин енгізілген елді мекендердегі ірі бизнес субъектілерінің қызметкерлері (Алматы, Нұр-Сұлтан).

 

 

 

pavlodarnews.kz

Тэги: қоғам