Бұл туралы 24.kz жазды. Қиыршықталған тас аралас асфальт төсеу жұмыстың сапасын арттырып, кепілдік мерзімін ұзартады. Бүгінде Семейде ұзындығы 22 шақырымға созылған 8 көшеге орташа жөндеу жүргізіліп жатыр. Оған қазынадан 1 миллиард теңгеден артық қаражат бөлінген. Бұл жұмыстар тамыз айының басына дейін аяқталуы тиіс. Мұнан кейін тағы бірнеше көше қайта жаңғыртылмақ. Ол мақсатқа қосымша 758 миллион теңге қарастырылған. 

Даниал Ахметов, Шығыс Қазақстан облысының әкімі:

-Қазіргі кезде Семейдің жағдайы басқа, өмірдің сапасы басқа болу керек. Ал өмірдің сапасын біз қалай өзгертеміз? Жаңа жол болу керек, халық демалатын жер болу керек. Барлық жұмыс істеліп жатыр. Мен өз көзіммен көрдім. Шайжүнісов көшесі, содан кейін Дулатов көшелерінің сапасы дұрыс. Болашақта солай болады деп сенемін. 

pavlodarnews.kz