Бұл туралы Vesti.kz хабарлайды.

Клуб президенті Нассер Аль-Хелайфи өтінішіне қарамастан, 28 жастағы футболшы командада еңбекақыны қысқартуға қарсы футболшылар тобына қосылды. Бұл топта Неймардан бөлек Тиаго Силва, Эдинсон Кавани, Андер Эррера и Хуан Бернат бар.

Сонымен қоса, командада футболшылардың екінші тобы бар, оның құрамына Килиан Мбаппе кіреді. Олар айлықтарын 70 пайызға дейін азайтуға келісіп отыр. Бұл топтың басында команда қорғаушысы Маркиньос тұр.

Қазіргі таңда ПСЖ футболшылары жартылай жұмыссыздар ретінде еңбекақыларының 84 пайызын алады.

Париждік команда маусымның мерзімінен бұрын аяқталуына байланысты 200 миллион еуро шығынға батуы мүмкін. Мұндай жағдайда айына 3 миллион алатын Неймардың бұл қылығы ПСЖ басшылығына қысым жасап, "Барселонаға" қайтудың амалы сияқты көрінеді.

pavlodarnews.kz

Тэги: