Павлодарда 12-қаңтар күні екінші ауысым сабақтары өткізіледі

Павлодар облысында 1-11 сынып оқушылары мен аймақтағы колледж студенттері үшін екінші ауысымдағы сабақтар өтеді, деп хабарлайды pavlodarnews.kz тілшісі.

Бұл туралы облыстық білім беру басқармасында хабарлады.

- Қазіргі уақытта ауа температурасы мен желдің жылдамдығы қалыпты нормаға түсті. Яғни, сабақтарды өткізуге болады, - дейді басқарма басшысының орынбасары Жомарт Қарамбаев.

Синоптиктердің болжауынша, өңірдегі ауа райы 9-11 градус шамасында, оңтүстік батыстан соққан желдің жылдамдығы секундына 6-9 метрді құрайды.

Еске салайық, боран салдарынан бірінші ауысымның сабақтары тоқтатылған болатын.

pavlodarnews.kz