20 мыңнан астам доллар аударған: Павлодарлық тергеушілер алаяқтарды ұстады

Екібастұзда дүкен мен темірбетонды бокс жанды

Павлодар облысында алаяқтар көшедегі азаматтарды тоқтатып, несие ресімдеген

Павлодарда қала күні қалай аталып өтіледі?

Павлодарда Азаматтарға арналған үкімет филиалына жаңа басшы келді

Павлодар облысында биыл 14 млн түп ағаш отырғызады

Павлодарда орталық жағалауға жаңа орындықтар орнатылуда (ВИДЕО)

Павлодар қаласында бірқатар көшенің атауы өзгереді

Маралды көлінің жағасында "МузLike"музыкалық фестивалі өтеді

26.05.2022

20 мыңнан астам доллар аударған: Павлодарлық тергеушілер алаяқтарды ұстады

Шымкент қаласының 47 жастағы тұрғыны 2018 жылғы желтоқсанда Павлодар қаласының полициясына өтінішпен жүгінген, деп хабарлайды @Pavlodarnews.kz.

Облыстық полиция департаменті баспасөз қызметінің мәліметінше, ер адам 2018 жылы 21 қарашада сағат 12.00 шамасында белгісіз адамның Тәуелсіздік даңғылындағы үйдің ауласында алдау жолымен Өзбекстан Республикасының фермерлік шаруашылықтарының біріне тиесілі мүлікті иемденгені туралы айтқан. Шығын сомасы 20400 АҚШ долларын құрады.

- Аталған факті бойынша сотқа дейінгі тергеу Орталық полиция бөлімінің тергеушісі Пугач Маринаға тапсырылды. Тергеу барысында астық нарығында үлкен тәжірибеге ие 43 жастағы Алматы облысының тумасы 2018 жылдың қазан айының басында сайт арқылы фермер қожалығының өкілімен танысқаны анықталды. Бұл шаруашылық одан әрі Өзбекстан Республикасына жеткізу үшін астық-бидай сатып алуды жоспарлаған, - деді Павлодар облысы Полиция департаменті бастығының орынбасары Рашад Өтеуов.

Оның айтуынша, сол кезде ақшаға мұқтаж 43 жастағы әйел алаяқтық ниетпен ЖШС өкілімен Өзбекстан Республикасына қажетті көлемде астық жеткізу туралы келісім жасаған. Ол әрі қарай өзінің досына кәсіпкерлік қызметті жүзеге асырудың көрінісін жасау үшін ЖШС-ні тіркеуді ұсынған. Тұрақты табыс көзі жоқ және ақшаға мұқтаж досы мұндай тартымды ұсынысқа келісе кеткен.

Бұдан әрі әйел қылмыстық жоспарды жүзеге асыру үшін Қостанай қаласында таныс ер адамның атына жеке тұлғаның валюталық шоты мен банк карточкасын ашқан.

- Кейін хабарласып, фермерлік шаруашылық өкіліне бидайдың қажетті көлемі бар екендігі туралы жалған мәлімет берген және Павлодар қаласында орналасқан астық қоймасын көрсеткен. Тапсырыс беруші 100 000 АҚШ доллары сомасына 2018 жылғы егіннің бидайын жеткізу үшін келісімшарт жасасуға өз келісімін берген. Әйел адамның қылмыстық ниетінен бейхабар адам есеп айырысу шотына 13 600 АҚШ доллары сомасында ақша қаражатын жіберген, - дейді Рашад Өтеуов.

Фермер қожалығының өкілдері 2018 жылдың қараша айында өзінің қылмыстық жоспарын ұстана отырып, Павлодар қаласына келген. Бір ай ішінде әйел астықты дайындау және жөнелту бойынша келісімшартты орындап жатқан сыңай танытқан. Павлодар облысының Тереңкөл ауылына астықты қарау үшін сапарға шыққан.

Бір аптадан кейін тапсырыс берушіні адастыруды жалғастыра отырып, Ресей Федерациясынан бидай сатып алу үшін «баға өскенін» айтып, қолма-қол 20 400 АҚШ доллары көлеміндегі қаражатты аудару қажет екені туралы хабарлаған.

- Көрсетілген мекенжайға келген бейхабар тапсырыс беруші айтылған соманы қолма-қол берген. Кейін ер адам қашып кетіп, ұялы телефон нөмірін ауыстырған. Тергеу барысында павлодарлық тергеушілер күдіктілердің кінәсінің дәлелдерін мұқият жинап, ақшаны алу фактілері бойынша алаяқтық схеманың барлық барысын кезең-кезеңмен қалпына келтірді. Сондай-ақ, барлық дәлелдер мен куәгерлік айғақтар, жазбаша құжаттар, сарапшының қорытындысы және заттай дәлелдермен расталды, - деп атап өтті Рашад Өтеуов.

Сот шығарған айыптау үкімі Ертіс өңірі тергеушілерінің кәсібилігінің дәлелі болды. Соған сәйкес айыпталушылар 5 жылға бас бостандығынан айырылды.

Фото: Константин Шелков

Количество показов: 332

Возврат к списку

Pavlodarnews.kz АА материалдарын қолдану ережелері