Дәмді тағам, жылы төсек: Екібастұзда жылыту пункттерінде қандай жағдай жасалған

Павлодарда үйінен бір апта бұрын шығып кеткен келіншек табылмай жатыр

Павлодарлық театр әртістері ауылдықтарға жан ләззатын сыйлады

Ақпан айында Павлодар облыстық қазақ музыка-драма театрында қандай қойылымдар болады

Екібастұздық машинист әп-сәтте жұлдыз атанды (ВИДЕО)

Биыл Павлодарда онға жуық трамвай өткелдеріне жөндеу жұмыстары жүргізіледі

Биыл Павлодар облысына қоныс аударушыларға арналған квота саны артқан

Павлодар облысында алимент төлеушілерге арналған бос жұмыс орындары жәрмеңкесі өтеді

Саяхатшының көзімен: Павлодарда жас суретші Әділжан Мұсаның көрмесі өтеді

02.12.2022

Дәмді тағам, жылы төсек: Екібастұзда жылыту пункттерінде қандай жағдай жасалған

Жылыту пунктін ашқан жандардың бірі жергілікті кәсіпкер Ханшайым Мұсаділова келушілердің саны көп екенін айтады, деп хабарлайды @Pavlodarnews.kz.

— Қалада төтенше жағдай жарияланған кезде Мәриям әпкем екеуміз жылу мен жарық, су жоқ азаматтарға көмектесуді жөн көрдік, — дейді «Арасан» монша кешенінің иесі Ханшайым Мұсаділова.

Апалы-сіңлі осымен төртінші күн қала тұрғындарына қолдау көрсетуде. Жерлестеріне түнейтін орын ұсынып, қайырымдылық түскі ас ұйымдастыруда.

Қазіргі уақытта кешенде көпбалалы отбасы – анасы мен алты баласы, Ақсу қаласынан екі су таситын жүргізушісі тұрады. Екі күн бұрын мүмкіндігі шектеулі адам отбасымен болған.

Әмірхан мен оның серіктесі – су таситын көліктердің жүргізушілері. Мұнда олар екінші күнді өткізуде. Бұл жерде душ қабылдауға, ыстық тамақ ішуге және жылы төсекте ұйықтауға мүмкіндік жасалған. Ер адамдар жылу трассасының мұздатылған тораптарын ыстық сумен жылытатын жергілікті қалалық шаруашылық құрамында жұмыс істейді.

Ханшайым Мұсаділованың бұл бастамасын басқа адамдар да қолдай кеткен.

– «Z3» стоматологиясының жетекшісі семіз қой әкелді, енді қуырдақ болады, – деп күледі ол. – «Колос» дүкенінің иесі біздің шотымызға қайырымдылық түскі асқа 50 мың теңге аударды.

Түскі ас үлкен порциямен ұсынылады, кешке дейін тамақтануға болады. Бірінші күні қайырымдылық түскі асқа 70, екінші күні жүзге жуық адам келген.

– 75 жастағы әже келіп, түскі ас ішті. Жалғыз тұратын көрінеді. Үйі суық болса керек, бірақ мұнда қалудан бас тартты, үйін тастап кеткісі келмейді, – дейді кәсіпкер.

Сонымен қатар, Ресейден келген Максим есімді ер адам туыстарының үйінде жайғасқан, бірақ олардың үйі де жылу мен жарықсыз қалған соң № 18 мектептің жылыту пунктіне барған.

— 29 қараша күні тұрғындар үшін жылыту пунктін ұйымдастырдық, сол кезден бастап бір адам ғана — Ресей тұрғыны келіп түнеді, — деді мектеп директоры Саламат Ізбастина. — Қала орталығында тұрады, осында келіп түнеп, таңертең таңғы ас ішіп, шай ішіп, жұмысқа кетті.

Естеріңізге сала кетейік, екібастұздықтарға орта және мамандандырылған мектептерде, қоғамдық бірлестіктерде, кәсіпкерлік нысандарында 14 пунк жылыту пункті ұсынылды.

Фото: Константин Шелков

Количество показов: 292

Возврат к списку

Pavlodarnews.kz АА материалдарын қолдану ережелері