Павлодар қаласының әкімі №2 мектептің түлектерін шығарып салды

Павлодар облысында алаяқтар көшедегі азаматтарды тоқтатып, несие ресімдеген

Павлодарда қала күні қалай аталып өтіледі?

Павлодарда Азаматтарға арналған үкімет филиалына жаңа басшы келді

Павлодар облысында биыл 14 млн түп ағаш отырғызады

Павлодарда орталық жағалауға жаңа орындықтар орнатылуда (ВИДЕО)

Павлодар қаласында бірқатар көшенің атауы өзгереді

Маралды көлінің жағасында "МузLike"музыкалық фестивалі өтеді

Павлодар облысының демалыс орындарында демалу қанша тұрады?

25.05.2022

Павлодар қаласының әкімі №2 мектептің түлектерін шығарып салды

Қалалық №2 мектепті биыл 52 түлек аяқтауда, деп хабарлайды @Рavlodarnews.kz тілшісі.

Биылғы оқу жылын білім ордасы табысты аяқтап отыр. Шәкірттері республикалық пән олимпиадасының алтын медалін алып, Президенттік олимпиаданың жүлдегері, 2 түлек ППУ білім гранттарының иегері атанып отыр. Сондай-ақ 5 түлек үздік аттестатқа үміткер.

Соңғы қоңырау мерекелік шарасына қатысқан Павлодар қаласының әкімі Асайын Байханов мерекемен құттықтап, ұстаздарға алғыс білдірді және жас түлектерге алдағы қадамдарына сәттілік тіледі.

- Қадірлі ұстаздар, Сіздерге әрбір адам алғысын білдіреді десек артық болмайды. Адамға білім берген Сіздердей майталмандардың еңбегі теңіздей терең. Құрметті ата-аналар, қазақта «тәрбиесіз берілген білім - адамзаттың хас жауы» деген сөз бар. Мұғалімдер мектепте білім берсе, отбасында ата-аналар балаға тәрбие беруі керек. Тек сонда ғана жас бала тұлға болып қалыптасады. Қымбатты түлектер, үлкен өмірдің баспалдағын аттауға санаулы сәттер қалды. Барлық күштеріңізді Қазақстанның гүлденуіне, Тәуелсіз еліміздің дамуына жұмсаңыздар! – деді қала әкімі.

Сондай-ақ Асайын Байханов биылдан бастап балалар үшін қоғамдық көлікпен жүру тегін болатынын және жаз бойы әртүрлі секциялар жұмыс жасайтынын атап өтіп, барлық жастарды жазғы демалысты тиімді пайдалануға шақырды.

Шара барысында оқу жылында жетістіктерге жеткен оқушылар «Жыл оқушысы» атағына ие болып, оған қоса, «Топ жарған», «Жыл ұстазы», «Жыл сынып жетекшісі», «Жыл ата-анасы» номинацияларының иегерлері марапатталды.

Мектептің биылғы түлегі 11 «ә»-сыныбының оқушысы Алмас Сейітқазин республикалық олимпиадада «тарих» пәнінен алтын медаль жеңіп алған.

- Оқуда жеткен жетістіктерім үшін осындай марапатқа ие болдым. Мектебіме, мені дайындаған ұстазым Қанағат Сәбитұлына ерекше алғыс айтқым келеді. Оларсыз мұндай жетістік болмас еді. Алдымызда үлкен сынақ күтіп тұр. ҰБТ-ға дайындалып, өте көп қосымша курстарға барамын. Ойдағыдай нәтиже көрсетемін деген үміттемін. Болашақта ІТ секторының мамандығын таңдадым. Өйткені, бұл - болашағы зор және қазіргі кезде қажетті мамандық, - деді Алмас Сейітқазин.

Аталған мектепте 2021-2022 оқу жылында барлығы 928 оқушы білім алды. Мектеп директоры Гүлшекер Белгібаеваның айтуынша, түлектердің алды ҰБТ тапсырып, 17 баланың барлығы 100-ден жоғары ұпай алған.

- Биылғы оқу жылын сәтті аяқтаудамыз. Биыл қала мектептерінің арасында рейтингте 2-ші орынға тұрақтадық. Мұнда мектептің дарынды балалармен жұмысы, балалардың жетістігі бағаланады. Тек пән олимпиадасы ғана емес, шығармашылық байқаулар, спорттық жарыстарда балалардың белсенділігі және жүлдеге ие болуы бойынша рейтинг шығарылады, - деді Гүлшекер Белгібаева.

Айта кетейік, ашылғанына 57 жыл болған қалалық №2 мектеп келесі жылы «Заманауи мектеп» бағдарламасы бойынша күрделі жөндеуден өтеді деп жоспарланған. Биыл мектептің жылу жүйелеріне күрделі жөндеу жасалуда.

Фото: Ренат Айткенов пен Оразбек Саяхат

Количество показов: 414

Возврат к списку

Pavlodarnews.kz АА материалдарын қолдану ережелері