Павлодар облысында кәсіпкерлерді қолдау жөніндегі кеңес құрылады

Павлодар облысында алаяқтар көшедегі азаматтарды тоқтатып, несие ресімдеген

Павлодарда қала күні қалай аталып өтіледі?

Павлодарда Азаматтарға арналған үкімет филиалына жаңа басшы келді

Павлодар облысында биыл 14 млн түп ағаш отырғызады

Павлодарда орталық жағалауға жаңа орындықтар орнатылуда (ВИДЕО)

Павлодар қаласында бірқатар көшенің атауы өзгереді

Маралды көлінің жағасында "МузLike"музыкалық фестивалі өтеді

Павлодар облысының демалыс орындарында демалу қанша тұрады?

22.06.2022

Павлодар облысында кәсіпкерлерді қолдау жөніндегі кеңес құрылады

Бұл туралы Павлодар облысының әкімі Әбілқайыр Сқақов өңірдің бизнес қауымдастығымен өктізген кездесуде мәлімдеді, деп хабарлайды @Pavlodarnews.kz.

Павлодар облысы әкімінің баспасөз қызметінің мәлімдеуінше, кездесу Инвесторлар үйінде өтті. Облыс әкімі отырыс жұмысын ашып, бизнес ортаның дамуының оң динамикасын атап өтті. Өткен жылы шағын және орта бизнес субъектілерінің саны 1,2 мыңнан астам кәсіпорынға өсіп, 47,5 мың бірлікті құрады. Облыстың 135 мыңға жуық тұрғыны шағын және орта бизнес кәсіпорындарында жұмыс істейді. Олар жалпы сомасы 1,1 трлн теңгенің өнімін жасап шығарды.

«Атамекен» Ұлттық кәсіпкерлер палатасының облыстық филиалының басшысы Серік Сәдуақасов өткен жылдан бері бизнесмендерден 169 өтініш келіп түскенін хабарлады. Олардың көпшілігі мемлекеттік сатып алу, жер қатынастары және салық салу мәселелеріне қатысты болды. «Атамекен» ӨКП-ң қызметкерлері жалпы сомасы 7,9 млрд теңгеге кәсіпкерлердің құқықтарын қорғады.

Әрі қарай сөз кәсіпкерлердің өздеріне берілді. «ТПБ Агромир» ЖШС-ің өкілі Наталья Поплавец бағаның құрылу мәселелерін қозғады. Кәсіпорын облыстың өнеркәсіптік кәсіпорындарының біріне азық-түлік жеткізумен айналысады. Кәсіпкер әйел тұрақтандыру қорынан әлеуметтік бағамен қант бөлуді сұрады.

- Азық-түлік корпорациясының алдында нарықтың қажеттілігін толық көлемде жабу міндеті тұрған жоқ. Басты міндет – халықтың әлеуметтік осал топтарын арзан азық-түлікпен қамтамасыз ету, - деді Әбілқайыр Сқақов.

Кәсіпкерлер ұн тартушыларды қолдау шаралары туралы нақтылады. Өткен жылы аграрийлермен меморандум жасалған еді Олар әлеуметтік нан өндіру үшін белгіленген бағамен астық жеткізу туралы міндеттеме алды. Облыс әкімі биыл осы схема бойынша 25 мың тоннаға жуық астық қамбаға құйылатынын айтты.

Кездесуде Баянауыл ауданындағы Павлодар және Қарағанды облыстары арасындағы даулы аумақ мәселесі айтылды. Екі облыстың шаруалары арасында жер учаскесін пайдалану мәселелері бойынша келіспеушіліктер туындайды. Әбілқайыр Сқақов жақын арада бұл мәселе үкіметтік комиссияның отырысында қаралатынын хабарлады.

Сондай-ақ, кәсіпкерлер кадрлардың жетіспеушілігі мәселесін айтты. Өңір басшысы кәсіпкерлерді техникалық және кәсіптік білім беру ұйымдарымен белсенді ынтымақтасуға шақырды.

- Колледждерде жиырма екі мыңға жуық студент оқиды, - деді әкім. – Осы жастарды жұмысқа тарту арқылы кадрлардың жетіспеушілігін шешуге болады.

Соңында өңір басшысы қалалар мен аудандардың әкімдеріне және уәкілетті органдардың басшыларына бизнесті қолдау саласындағы қателіктермен жұмыс жүргізуді тапсырды. Ол бизнес қауымдастық пен билік арасында қарым-қатынастың тапшылығы бар екенін атап өтті.

Әбілқайыр Сқақов экологиялық кеңес үлгісінде бизнесті қолдау жөнінде кеңес құруды ұсынды. Оның жұмысын сессияаралық кезеңде белсенді жүргізіп, отырыстарда проблемалық мәселелерді шешу қажет.