Павлодарда «ERTIS ARUY» сұлулық байқауы өтті

Павлодарда «Ertis Рromenade» маусымының ашылуына Қайрат Нұртас келеді

Ақсуда стоматология мен кейбір тұрғын үйлерде бес күн ыстық су болмайды

26 мамыр күні Павлодарда бірқатар дүкендер мен дәмханаларда су болмайды

Павлодар облысының әкімі келесі есептік кездесуді Екібастұзда өткізеді (ВИДЕО)

Мойылды ауылының тұрғындары учаскелік инспектордың ауылда тұрақты болмайтынына алаңдаулы

Павлодар облысында «Денсаулық пойызы» іске қосылды (ВИДЕО)

Аққулы ауданы Жабағылы тұрғындарының мұңы: Ұялы байланыс жоқ. Қыста жолда қаламыз

Павлодарда «Қимақ.TIME» сахналандырылған көрінісі өтті (ФОТО)

23.03.2022

Павлодарда «ERTIS ARUY» сұлулық байқауы өтті

Жеңімпаздар мен жүлдегерлер республикалық «Қазақ аруы» сұлулық сайысына қатысу мүмкіндігіне ие болды, деп хабарлайды Pavlodarnews.kz тілшісі.

Павлодарда алғаш рет ұлттық дәстүрге сай өткен «ERTIS ARUY» сұлулық байқауын Ұлыстың ұлы күніне орай облыстық «Шаңырақ» халық шығармашылығы орталығы ұйымдастырды. Жоба аймағымыздың әр өңірінен ақылы мен көркі сай бойжеткен қыздардың басын қосты.

photo1648044183 (8).jpeg

Осыдан бір ай бұрын облыста «ERTIS ARUY» байқауының іріктеу кезеңі өткен болатын. Әр қала, ауданнан жүздеген қыздың арасынан ақтық сынға қатысуға лайықты 16 үміткер таңдалып алынды.

photo1648044183 (7).jpeg

- «ERTIS ARUY» байқауының басты мақсаты – қазақ қызына тән көркем мінез, сұлулық пен инабаттылықты, ақыл мен әдептілікті бойына сіңірген бойжеткенді анықтау болатын. Кастинг барысында да осыған ерекше мән бердік. Тағы бір басты талап – әр қатысушының қазақ тілін жетік білуі. Әрине, сұлулық байқауы болған соң қыздардың бойын, сыртқы келбетін, дене бітімін де ескердік, - дейді жоба ұйымдастырушысы облыстық «Шаңырақ» орталығы басшысының орынбасары Замира Амангелдіқызы.

Оның айтуынша, іріктеуден өткен 16 үміткер бір ай бойы кәсіби хореограф, сән саласының майталман мамандарының көмегімен дайындық жүргізді. Сол еңбектерінің нәтижесін байқаудың ақтық сынында көрсете білді.

photo1648044183 (6).jpeg

Қазылар алқасының құрамында облыстық «Нұр Ана әлемі» қоғамдық ұйымының жетекшісі Бақытжамал Максилова, облыстық «Халық радиосының» бас редакторы Раушан Сыбанжанова, қазақ эстрадасының жұлдызы, әнші Ринат Малцагов, «Жекпе-жек» ұлттық спорт түрінен облыстың бас бапкері Алтынбек Рщанов және «Мисс Павлодар-2016», «Мисс Қазақстан 2016» байқауының финалисті Айзат Байтенова болды.

Байқау барысында қатысушылар өнерін ортаға салып, ұлттық киімдермен сән шеруінен өтіп, «Ақыл мен парасат» бөлімінде сынға түсті.

photo1648044183 (4).jpeg

- Ұлттық дәстүрге сай өткен бұл байқауда ашық немесе қысқа киім киюге жол берілген жоқ. Қазақтың ұлттық киімдерін дәріптеп, насихаттауға тырыстық. Сұрақ-жауап бөлімінде де қатысушыларға қазақтың салт-дәстүріне қатысты сауалдар қойылғанын көрдіңіздер. Сондай-ақ ел тарихында аты қалған батыр, дана аналарымызға қатысты сұрақтар әзірленді, - дейді қазылар алқасының төрайымы Айзат Байтенова.

Байқау қорытындысы бойынша бас жүлде, «ERTIS ARUY» атағын Май ауданының үміткері Данна Тайтуленова жеңіп алды. Оған белгілі сәулетшілердің жобаға арнап бағалы тастармен әзірлеген «ERTIS ARUY» тәжі кигізілді.

photo1648044183 (3).jpeg

photo1648044183 (2).jpeg

1-орын Екібастұз қаласының атынан қатысқан Айсана Хайрулаеваға, 2-орын Аққулы ауданынан Гүлнұр Керімқұлға, 3-орын ақтоғайлық Анель Нұрдәулетоваға бұйырды. Баянауылдық Жанерке Маукенова «Өнерлі ару», ал Май ауданынан келген Назерке Қайыргелдинова «Көрермен көзайымы» аталымына ие болды.

photo1648044183 (1).jpeg

Айта кетерлігі, жеңімпаз және жүлдегер атанған 4 бойжеткен келесі жылы өтетін «Қазақстан аруы» байқауына жолдама алды. Оған дейін қыздар жергілікті кәсіби мамандардың көмегімен дайындық жүргізбек.

Фото: Есенжол Исабекұлы

Количество показов: 4201

Возврат к списку

Pavlodarnews.kz АА материалдарын қолдану ережелері