Павлодарда фермерлер базарын іске қосу жоспары пысықталады

Екібастұзда балаларды оңалту орталығы жұмысын қайта бастайды

Павлодарда 11 жасар баланы көлік қағып кетті

Павлодарлықтарға көз жұмған адамның зейнетақы жинағын мұрагерлері қалай алуға болатыны айтылды

Қыркүйектің басында Аққулыда қарбыз фестивалі өтеді

Павлодарда салынып жатқан ғимараттың төбесі жанып кетті

Қаңтар оқиғасы: Павлодарда жаппай тәртіпсіздік ұйымдастырғандарға қатысты сот үкімі шықты

Сәбиді емдемейді: Павлодар облыстық ДСБ-да шағымға қатысты жауап берді

«Ақсу» Қазақстан Кубогіндегі жағдайын барынша қиындатты

30.06.2022

Павлодарда фермерлер базарын іске қосу жоспары пысықталады

Қалалықтар тек сенбіден басқа күндерде де заттарды сатып ала алады, деп хабарлайды @Pavlodarnews.kz тілшісі.

Павлодарда фермерлер базарының құрылысы жалғасуда. Ол ауыл шаруашылығы жәрмеңкелерінің жетілдірілген нұсқасы болмақ. Жергілікті диқандар мен малшылардың егіс алқабынан шыққан өнімі бірден жәрмеңке сөресіне қойылады. Ешқандай делдалдар болмайды, сондықтан тауар құны нарықтық бағадан төмен болады.

Құрылыс қай кезеңінде және базардың алдағы жұмысының жоспары қаншалықты дайын екенін облыс әкімі қаланы жұмыс сапарымен аралау барысында тексерді. Әбілқайыр Сқақов жәрмеңке әлеуметтік сауда үшін салынып жатқанын, сондықтан ол өндірушілерге де, сатып алушыларға да ыңғайлы болуы керектігін еске салды.

– Ең алдымен, барлық фермерлер осында болуы керек. Оларға тұрақты, үздіксіз тауар жеткізуі үшін мүмкіндік беру қажет. Сіздерде жалға беру, жұмыс істеу үлгісі болуы керек. Тауарлардың бағасы нарықтағыдан кем дегенде екі есе төмен болуы тиіс, - деді облыс әкімі.

Фермерлер базарының жұмысын «Павлодар» ӘКК» қадағалайтын болады. Корпорацияның басқарма төрағасының м.а. Бек Оразғұловтың айтуынша, іске қосылғаннан кейін сауда алаңдары қалай жұмыс істейтіні туралы жоспар әлі дайын емес.

– Навигацияны, жопсардың мазмұнын, шығындарды дайындаңыз. Менде ветеринарлық пункт қайда болады, ветеринарлық бақылау, әкімдерге қандай міндет қойылады, шаруаларға қандай талаптар қойылады деген сияқты сұрақтар көп. Сіздерде құрылыстан бөлек, енді басқарушы тұрғысынан жұмыс жасалу керек, – деді Әбілқайыр Сқақов.

Сондай-ақ аймақ басшысы базар бос тұрып қалмай, құрылыс біткеннен кейін бірден іске қосу керектігін айтты. Ол үшін тұжырымдаманы жетілдіру қажет.

- Он күннен кейін нақты іске қосу жоспары пайда болуы керек. Маған құрылыс, сауда, басқару бөлігі және оның айналасындағы инфрақұрылым бойынша жоспары қажет. Автотұрақтар, жарықтандыру – адам кіріп, тауар алып, шығып, «рахмет» деп айта алатындай барлық жағдай жасалуы тиіс, - деп қосты Әбілқайыр Сқақов.

Еске салайық, фермерлер базарының құрылысы ақпан айында басталған болатын. Құрылысты аяқтау қыркүйек айының соңына жоспарланған. Күніне базарға 600-ден астам адам келеді деп күтілуде. Ауылшаруашылық өнімдерін аптасына алты күн сатуды жоспарлап отыр. Жексенбіні санитарлық күн болмақ.

Бұл жәрмеңкені ауылшаруашылық жәрмеңкесінен негізгі айырмашылығының бірі – жұмыс уақыты болады. Алдыңғы жәрмеңкеде әлеуметтік бағамен өнімді тек сенбі күні түскі 12-ге дейін сатып алу мүмкін болған болса, фермерлер базары таңғы 8-ден кешкі 6-ға дейін жұмыс істейді.

Фото: Константин Шелков

Количество показов: 310

Возврат к списку

Pavlodarnews.kz АА материалдарын қолдану ережелері