Павлодарда Құрбан айт мерекесі қалай өтеді?

Павлодарда онкологияға шалдыққандар біржолғы әлеуметтік көмек ала алады

Павлодарлықтар автобуста жол ақысын Kaspi QR арқылы төлей алады

Павлодарда қандай емханалар шағым саны бойынша көш бастап тұр?

Павлодарда баланың үстіне ағаш құлап түсті

Ертіс ауданында трактор шұңқырға аударылып қалды

Павлодар облысында қанша ақбөкен бар?

Екібастұзда балаларды оңалту орталығы жұмысын қайта бастайды

Павлодарда 11 жасар баланы көлік қағып кетті

04.07.2022

Павлодарда Құрбан айт мерекесі қалай өтеді?

Құрбан шалу уақыты 9 шілде күні, сағат таңғы 07.00-де өтетін Айт намазынан кейін басталып, 11 шілде күн батқанға дейін жалғасады, деп хабарлайды @Pavlodarnews.kz тілшісі.

Бұл туралы Өңірлік коммуникациялар қызметінде өткен баспасөз конференциясында Павлодар облысының Мәшһүр Жүсіп атындағы орталық мешіттің өкілетті имамы Жолдас Бертымұратов мәлім етті.

- Мерекенің алғашқы күні ертерек тұрып, ғұсыл алып, таза киім киіп, қош иісті әтір сеуіп, көшеде жолыққан адамға жылы жүзбен сәлемдесу керек. Құрбандық етімен ауыз ашу үшін Айт намазының алдында ештеңе жемей, оған бара жатқанда тәкбір айту қажет, - дейді бас имам.

Оның айтуынша, құрбандыққа тек қана қой, ешкі, сиыр және түйе малдарын ғана шалуға болады. Елік, арқар сияқты аңдар мен тауық, қораз, қаз, үйрек сияқты құстар құрбан ретінде сойылмайды.

Қой немесе ешкіні тек қана бір адам құрбан ретінде шала алады. Ал сиыр немесе түйені бір кісінің жалғыз өзі үшін шалуына болатын сияқты жеті кісі бірігіп шалуға болады.

Құрбан айттың бірінші күні Айт намазынан кейін қала шетіндегі арнайы дайындалған «Құлагер» ипподромында құрбан шалу басталады.

Құрбан шалу рәсімін qurban2022.kz сайты арқылы онлайн және офлайн форматта шалуға болады.

- Құрбандықты пандемияның кезіндегідей онлайн форматта да шалуға болады. Сайттан малды таңдап, электронды банк шоты арқылы төленеді. Кейін оны видеоға түсіріп, иесіне ватсап арқылы жібереміз, - деді Жолдас Бертымұратов.

Имамның сөзінше, шалынған малдың етін адам өзі қалаған жерге немесе мешітке, құрбандық шалынатын жерде қалдырып кетуге болады. Жиналған еттерді орталық мешіттің жұмыскерлері мұқтаж болған адамдарға таратып береді.

Өкіл имам мал сатушыларды бағаны аса көтермеуге шақырды.

Оңғар Бауыржанұлы
Фото: Константин Шелков

Количество показов: 363

Возврат к списку

Pavlodarnews.kz АА материалдарын қолдану ережелері