Павлодарлық ақын мен суретшінің туындылары республикалық байқаудың бас жүлдесіне ие болды

Павлодар облысында қанша ақбөкен бар?

Екібастұзда балаларды оңалту орталығы жұмысын қайта бастайды

Павлодарда 11 жасар баланы көлік қағып кетті

Павлодарлықтарға көз жұмған адамның зейнетақы жинағын мұрагерлері қалай алуға болатыны айтылды

Қыркүйектің басында Аққулыда қарбыз фестивалі өтеді

Павлодарда салынып жатқан ғимараттың төбесі жанып кетті

Қаңтар оқиғасы: Павлодарда жаппай тәртіпсіздік ұйымдастырғандарға қатысты сот үкімі шықты

Сәбиді емдемейді: Павлодар облыстық ДСБ-да шағымға қатысты жауап берді

16.09.2020

Павлодарлық ақын мен суретшінің туындылары республикалық байқаудың бас жүлдесіне ие болды

Оралда Қазақстанның халық жазушысы, ақын Жұбан Молдағалиевтің 100 жылдығына арналған «Қиял қанаты» республикалық дуэт (поэзия мен сурет) онлайн байқауының қорытындысы шықты, деп хабарлайды Pavlodarnews.kz тілшісі.

Орал облыстық халық шығармашылығы орталығы ұйымдастырған байқаудың ерекшелігі, ақын мен суретші жұп құрып, өлеңі мен суретін бірге ұсынған. Қазылар алқасы жыр мен суреттің бір-бірімен үндестігіне баға берген.

Байқау қорытындысы бойынша павлодарлық ақын Алпысбай Хонж бен суретші Жеңіс Молдабектің туындылары бас жүлдеге лайық деп танылды.

- Мұндай байқауға алғаш рет қатысып тұрмын. Өзімізге де қызық көрінді. Алдымен мен өлеңін жазып, суретші досым Жеңіс Молдабек суретін салды. Жалпы, Жұбан ақын - сол бір қиын кездерде «Мен қазақпын» деп айта алған саусақпен санарлық адамдардың бірі. Осы атты поэмасы өзінің паспорты болып кетті. «Мен қазақпын» поэмасы Жұбанды елге танытты, қазақты әлемге танытты. Осы поэманың ізімен, Жұбан мен қазақ деген ұғым бір-бірін алмастыра алады деген мағынада «Мен Жұбанмын» өлеңін жаздым, - дейді С.Торайғыров атындағы облыстық кітапхананың қызметкері Алпысбай Хонж.

Ал, өлең желісімен туған сурет кенеп бетіне майлы бояумен салынған. Сурет авторы Жеңіс Молдабек елімізге белгілі, шет елдерде көрмесін ұйымдастырып жүрген суретші.

- Өлең маған қатты әсер етті. Жалпы мұндай дуэтті әрі қарай жалғастыру керек деген ой келді маған. Алпысбай ақынның өлеңінің басында «Мен – Жұбанмын, жұлқынған жолбарыспын» деген жолдары бар. Осы жолдардың әсері басқаша болды. Сондықтан суретке ақырған арыстанның бейнесі енді. «Қыранмын қанатымды қомдап ұшқан» деген жолдарына сәйкес қыран құстың бейнесі де салынды. Тайпақ ауылынан таудай тұлға шыққаны да өлеңде жазылған. Сол желімен арғы жағында ауылдың, негізгі көріністе тау тұлғалы Жұбан Молдағалиевтің бейнесі енген картинам жазылды. Картина өлеңді көрерменге бере алды деген ойдамын, - деді Бұқар жырау атындағы облыстық әдебиет және өнер музейінің директоры Жеңіс Молдабек.

Өнер иелері жеңістерін Ертіс-Баян өңіріне арнайтындарын атап өтті.

- Бұл жеңісіміз күтпеген тосын сый болды. Жеңісіміз Павлодар өңіріне арналады. Өйткені, байқауда өңіріміздің әдебиеті мен мәдениетін таныстырдық. Қазіргі қысылтаяң кездерде осы өңірде жүріп шабыттанғанымыздың арқасында осы туындылар дүниеге келді деп олаймын. Ұйымдастырушыларға алғыс білдіреміз, - деді Жеңіс Молдабек.

Айта кетейік, байқауға еліміздің әр өңірінен 17 дуэт Жұбан Молдағалиевке арнаған еңбектерін ұсынды.

Оразбек Саяхат