Павлодарлық көп балалы ана: Қыш студиясын ашу идеясы үлкен ұлыма қарап туындады (ФОТО)

Павлодар облысында алаяқтар көшедегі азаматтарды тоқтатып, несие ресімдеген

Павлодарда қала күні қалай аталып өтіледі?

Павлодарда Азаматтарға арналған үкімет филиалына жаңа басшы келді

Павлодар облысында биыл 14 млн түп ағаш отырғызады

Павлодарда орталық жағалауға жаңа орындықтар орнатылуда (ВИДЕО)

Павлодар қаласында бірқатар көшенің атауы өзгереді

Маралды көлінің жағасында "МузLike"музыкалық фестивалі өтеді

Павлодар облысының демалыс орындарында демалу қанша тұрады?

09.02.2022

Павлодарлық көп балалы ана: Қыш студиясын ашу идеясы үлкен ұлыма қарап туындады (ФОТО)

«Вдохновение» қыш студиясында балаларға арналған үйірмелерден бөлек, ересектерге де шеберлік сабақтары да өтеді, деп хабарлайды Pavlodarnews.kz тілшісі.

Павлодарда қыштан бұйымдар жасауды үйрететін жалғыз студияны өткен жылы Ақбаян Байтубаева ашқан. Студияда үйірмелермен қатар бір реттік шеберлік сабақтары да өтеді.

- Қыштан бұйым жасаудың екі түрі бар. Біріншісі арнайы ұршықта айналдырып отырып қыштан зат жасау болса, екіншісі -қыштан тек қолмен мүсіндер жасау. Ұршықта көбіне құмыралар жасалады. Үйірмеде аптасына бір сабақтан өтеді. Балаларды топқа бөлеміз. Бір топта 5 баладан аспауы тиіс. Одан бөлек, ересектер жұптарымен, жеке келіп үйренеді. Жеке сабақ алатын балалар да бар. Демалыс күндері жеке сабақтар жүргізіледі, - деді Ақбаян Байтубаева.

Бүгінде қыш үйірмесіне тұрақты түрде 20-ға жуық бала қатысуда. Қыштан ұршықта бұйым жасауды 3 шебер, ал қолдан жасауды жеке шебер үйретеді.

Сондай-ақ қыштан жасалған заттарды сатып алу мақсатында студияға тапсырыстар да түсіп тұрады.

4 баланың анасы Ақбаян Байтубаева қыш студиясын ашу идеясы үлкен ұлына қарап туындағанын атап өтті. Өзі қыштан зат жасауға 2 жыл бұрын кіріскен.

- Үлкен ұлым «аутизмге» шалдыққан. Ол өскенде немен айналысатынын ойландым. Бастапқыда балаларды дамыту орталығын ашқым келді. Астана, Алматыға барып үйреніп, студияны аштық. Мұндай орын қаламызда жоқ. Бұл осы диагноздағы балаларға пайдалы. Оның жүйкесін тыныштандырады. Қиялын дамытады. Отырып жұмыс жасап, төзімділікке үйренеді. Сондықтан қышпен айналысуды таңдадым. Бәлкім, ұлым болашақта осымен айналысып, дамып, пайда да табатын шығар, - деді Ақбаян Байтубаева.

Оған қоса, мүмкіндігі шектеулі балаларға қышпен айналысу заттың қандай формада шығатынын ойлантып, логикасын жетілдіреді. Айналысып отқан ісін толық сезінуге мүмкіндік береді.

Ақбаян Байтубаева өзі педагог-психолог. Бүгінде қаладағы М.Әлімбаев атындағы мектепте де қыш үйірмесін жүргізеді.

- Ол мектепте балам оқиды. Мектепте қыш үйірмесі ашылған екен. Баламнан естіп, маған үйірмені жүргізуге ұсыныс түсті, - деді қыш шебері.

Шебер білім бөліміне мектептерде, жазғы лагерьлерде балаларға қыш үйірмесін ашу туралы ұсыныс жасамақ.

Сонымен қатар, алдағы уақытта әлі де балалар қабылдап, студиясын кеңейту жоспарлануда.

- Әлі де балалар қабылдауға болады. Кеңейтсем деймін. Мемлекеттік бағдарламаларға да қатыспақпын. Мемлекеттен көмек болса жақсы болар еді. Басқа қалаларда қолдаулар бар, бұл сала дамыған. Қыштың өзінің шығындары бар. Үйірменің ақысына оның құны кіреді. Қышты Екібастұздан алдырамын, - деді Ақбаян Байтубаева.

Айта кетейік, «Вдохновение» қыш студиясы Павлодар қаласында Бұқар жырау көшесі, 12 мекенжайында орналасқан.

Оразбек Саяхат

Фото: @vdohnovenie_gonchar

Количество показов: 3614

Возврат к списку

Pavlodarnews.kz АА материалдарын қолдану ережелері