Зейнеткерлерді қолдау, балалардың қимыл белсенділігін арттыру: Павлодарда қоғамдастық өкілдері қандай мәселелерді талқылады?

Павлодарда онкологияға шалдыққандар біржолғы әлеуметтік көмек ала алады

Павлодарлықтар автобуста жол ақысын Kaspi QR арқылы төлей алады

Павлодарда қандай емханалар шағым саны бойынша көш бастап тұр?

Павлодарда баланың үстіне ағаш құлап түсті

Ертіс ауданында трактор шұңқырға аударылып қалды

Павлодар облысында қанша ақбөкен бар?

Екібастұзда балаларды оңалту орталығы жұмысын қайта бастайды

Павлодарда 11 жасар баланы көлік қағып кетті

05.07.2022

Зейнеткерлерді қолдау, балалардың қимыл белсенділігін арттыру: Павлодарда қоғамдастық өкілдері қандай мәселелерді талқылады?

Кеше, 4 шілде күні облыс әкімі Әбілқайыр Сқақов спорт және мемлекеттік қызмет ардагерлерімен, үкіметтік емес ұйымдардың жетекшілерімен бірқатар кездесу өткізді, деп хабарлайды @Pavlodarnews.kz.

Павлодар облысы әкімі баспасөз қызметінің мәліметінше, облыстық қоғамдық кеңестің төрағасы Нұрлан Нәбиев ұйымның жұмысындағы өзгерістер туралы хабарлады. Мәселен, кеңес құрамынан мемлекеттік қызметшілер шығарылған. Облыс әкімі ұсыныстарды тыңдап, қоғамдық кеңесті өңірдің өзекті мәселелерін талқылау жөніндегі алаң ретінде құрудың маңыздылығын атап өтті.

Бұдан бөлек, Әбілқайыр Сқақов облыстық ардагерлер кеңесінің төрағасы Рымтай Шөкеевпен кездесті. Кездесуде зейнеткерлерді қолдау мәселесі көтерілді. Аймақ басшысы айтылған мәселелерді шешу бойынша құзыретті ведомстволарға бірқатар тапсырмалар берді.

Спорт ардагері Виктор Кольев 2025 жылға дейін облыста спортты дамыту жөніндегі жол картасының маңыздылығын атап өтті. Құжат негізгі алты бағыттан тұрады. Оны құрастыру үшін спортшылар мен жанкүйерлерден, оның ішінде, спорт ардагерлерінен екі жүзге жуық ұсыныс жиналды.

«Балалардың қимыл белсенділігін арттыру керек. Сондықтан болашақ ұстаздардың дайындығына ерекше назар аудару қажет», - деді Виктор Кольев.

Сонымен бірге, аймақ басшысы «Қағандық» ҚБ-ің жетекшісі Еркеғали Жанғазымен кездесті. Онымен тіл, мәдениет, кітапхана жүйесі мен өңірдің қоғамдық өмірінің мәселелері талқыланды.

«Әділдік жолы» РҚБ филиалының жетекшісі Нұргүл Қайырденова жүргізілген жұмыстар туралы айтып берді. Жыл басынан бері ұйым облыстың қалалары мен аудандарында отыздан аса кездесу өткізген.

«Біздің мақсатымыз қоғамда сыбайлас жемқорлықтың барлық көріністеріне қарсы тұру ахуалын құру болып табылады», - деп атап өтті қоғамдық ұйым өкілі.

Нұргүл Қайырденова Павлодар облысы әкімінің штаттан тыс кеңесшісі болып тағайындалды.

«Біз қоғамдық өмірді дамыту мәселелері бойынша белсенді әріптестік орнатуымыз керек. Өз тарапымыздан ашық диалог құруға дайынбыз», - деді Әбілқайыр Сқақов қоғамдық ұйымдардың өкілдеріне.

Облыс әкімі әрбір қоғамдық ұйымның маңыздылығын атап өтіп, атқарылған жұмыс үшін алғыс білдірді және ары қарай тиімді әріптестік орнатуға сенімді екенін айтты.

Фото: Валерий Бугаев

Количество показов: 296

Возврат к списку

Pavlodarnews.kz АА материалдарын қолдану ережелері