Сегіз майдангер Жеңістің 80 жылдығын тойламақ, деп хабарлайды @Pavlodarnews.kz тілшісі.

Олардың төртеуі облыс орталығында тұрады: 101 жастағы Мария Курбатова, 99 жастағы Василий Григораш, 98 жастағы Сергей Выжутович, 97 жастағы Николай Ступка. Ақсуда бір ардагер – 98 жастағы Василий Московченко, ал Павлодар облысында – 99 жастағы Мария Матюшина, 101 жастағы Анна Носова, 100 жастағы Қайыр Хасенов қалды.

Ұлы Отан соғысына қатысушы сегіз майдангер бес миллион теңге мөлшерінде біржолғы материалдық көмек алады. Жеңістің 80 жылдығына арналған біржолғы төлемдер екі есе өсті. ҰОС ардагерлеріне – бес миллион теңге, тыл еңбеккерлеріне – 100 мың, Ленинград қаласының бұрынғы блокададағы тұрғындарына – 150, концлагерьлердің бұрынғы кәмелетке толмаған тұтқындарына 200 мың теңге беріледі.

Жеңіс күніне орай Ұлы Отан соғысының ардагерлері мен тыл еңбеккерлері «Ұлы Отан соғысындағы Жеңістің 80 жылдығы» мерейтойлық медалімен марапатталады. Марапатталғандар тізімінде облыстың 2,8 мыңнан астам тұрғыны бар.

«1941-1945 жж. Ұлы Отан соғысындағы Жеңіске 80 жыл» мерейтойлық медалі Ұлы Отан соғысының алты ардагеріне, сондай-ақ фашизмді жеңуге үлес қосқандарға салтанатты түрде табыс етілді. Олардың арасында кәмелеттік жасқа толмаған кезінде концлагерьдің тұтқыны болғандар мен Ленинград қаласының бұрынғы блокададағы тұрғындары, ҰОС мүгедектерінің жесірлері, 2,5 мыңнан астам тыл еңбеккері мен ҰОС ардагерлеріне теңестірілген адам бар.