«Атамекен» кәсіпкерлер палатасында кезекті отырыс ұйымдастырылды, деп хабарлайды @Pavlodarnews.kz тілшісі.

«Атамекен» кәсіпкерлер палатасының мәліметінше, агроөнеркәсіптік кешеннің салалық кеңесінің отырысы өтті. Кездесу субсидиялау мәселелеріне арналды. Сондай-ақ, ауыл шаруашылығы басқармасының қатысуымен өткізілді.

Аталмыш отырысты «Атамекен» ӨКП директорының орынбасары Мәди Сыздықов басқарды.

– Бізге кәсіпкерлерден АӨК саласындағы бизнесті қолдаудың мемлекеттік бағдарламалары шеңберінде субсидиялар төлеудің кешігуіне қатысты бірнеше рет өтініштер келіп түсті, – деді Мәди Сыздықов.

Сонымен қатар, спикер ретінде облыстық ауыл шаруашылығы басшысының орынбасары Сәуле Шүкірова қатысты.

Оның айтуынша, ведомствоның бүгінгі таңда субсидиялар бойынша қарыздары күту парақтарына сәйкес 16 миллиард теңгені құрайды. 

– Жергілікті бюджет есебінен біз минералды тыңайтқыштарды сатып алуды субсидиялау жөніндегі міндеттемелерді толығымен жауып тастадық: бюджет қаражаты бөлуден басқа, бұл үшін бізге қосымша ақша бөлінді және олар игерілді, – деп атап өтті спикер.

Спикердің  сөзінше, бұл сомаға мал шаруашылығы бойынша 3,5 миллиард, инвестициялық субсидиялау бойынша – сонша, терең өңдеу бойынша – 1,3 миллиард қарыз кіреді.

Отырыс қарсаңында ведомствоға жергілікті бюджеттен қосымша бір жарым миллиард қаражат аударылды.

Ауыл шаруашылығы басқармасы жыл басында 16,6 миллиард қарызды жаба отырып, іс жүзінде өзінің барлық жылдық бюджетін «жейді».

Шаруалар ақшаны уақытында алады деген үмітпен инвестицияларға барады. Адамдар егінді сата алмайды. Ауа райына байланысты егістіктерде көп нәрсе қалды. Бұл тағы да қиын уақыт шаруаларға түседі. Шаруалар атынан кәсіпкерлер палатасы, өңірлік кеңес, қоғам қайраткерлері жағдайдың одан әрі қалай болатынына алаңдаушылық білдіруде.