Мөлшерлеме бойынша түпкілікті шешім табиғи монополияларды реттеу департаментінде қабылданатын болады, деп хабарлайды @Pavlodarnews.kz тілшісі.

Бұл туралы ҚР ҰЭМ Табиғи монополияларды реттеу комитеті Павлодар облысы бойынша департаментінің басшысы Нұрлан Нұрмұратов мәлімдеді.

Ведомствоға жылу тарифін арттыруға өтінім «Павлодарэнерго» АҚ, «Павлодарлық жылу желілері» ЖШС және «Павлодарэнергосбыт» ЖШС келіп түсті. Энергетиктер мұны энергия өндіруге қажетті көмірдің қымбаттауымен және осы жерден туындайтын басқа жағдайлармен негіздеді.

 – 2025 жылға қатты отынның құны тоннасына шамамен 2900 теңге мөлшерінде есептелді, алайда пайдаланылатын көмірдің бағасы 3400 теңгені құрайды деп күтілуде,  – дейді табиғи монополияларды реттеу департаментінің басшысы Нұрлан Нұрмұратов. – 1 миллион тоннаға жуық қатты отынды тұтынуды ескере отырып, оны сатып алуға жұмсалатын шығыстар шамамен 500 миллион теңгеге ұлғаяды. 

Сарапшылар өтінімді зерттеді, бірақ келесі жылдан бастап тарифтің құны өспейді деген қорытындыға келді. Сонымен қатар, жылу ставкаларын 6,7% төмендетуге болады. Монополияға қарсы органда соңғы шешімді жақын арада қабылдауға уәде беріледі.

2024 жылдың басынан бері «Тарифті инвестицияларға айырбастау» бағдарламасы шеңберінде сомасы 3,3 млрд теңге болатын бір инвестициялық бағдарлама бекітілді. Қосымша 15,3 млрд теңге жуық сомасында  инвестициялар тартылды. 2027 жылға дейін тартылған инвестициялардың жалпы сомасы шамамен 64 млрд теңгені құрайды.