Облыстық полиция департаментінің бастығы Василий Скляр ерекше көзге түскен қызметкерлерді құттықтады, деп хабарлайды @Pavlodarnews.kz тілшісі. 

Ведомство басшылығы тергеушілердің отбасыларына зор денсаулық, бақ-береке және қызметте табыс тіледі.

– Тергеуші – ауырлығы төмен қылмыстарды тергейтін маман. Сондай-ақ тергеуші қылмысты ашып, кінәліні анықтауы немесе кінәсіз адамды ақтауы, сот ісін жүргізу үшін сапалы дәлелдемелер базасын жинауы қажет, – дейді департаментте. 

ҚР Ішкі істер министрінің бұйрығымен өзінің қызметтік міндеттерін адал атқарғаны, қызметтік қызметте жоғары нәтижелерге қол жеткізгені үшін  Екібастұз қаласы полиция басқармасы анықтау бөлімі бастығының орынбасары Дастан Әбілғазинов «Құқық тәртібін қамтамасыз етуде қосқан үлесі үшін» медалімен, Павлодар қаласы полиция басқармасы Орталық полиция бөлімінің анықтау бөлімшесінің анықтаушысы Арысбаев Бексұлтан «Қазақстан полициясына 30 жыл» медалімен марапатталды. 

Ақсу қаласы полиция бөлімі анықтау бөлімшесінің аға анықтаушысы Азамат Жақпаровқа «Ішкі істер органдарының үздігі» төсбелгісі, Павлодар қаласы полиция басқармасы Орталық полиция бөлімінің анықтау бөлімшесінің аға анықтаушысы Владимир Дудникке грамота, Аққулы ауданы полиция бөлімі анықтау тобының аға анықтаушысы Дәурен Әміреновке Алғыс хат табыс етілді.