Геринг көшесі бойынша автокөлік құралдарының қозғалысы шектеледі, деп хабарлайды @Pavlodarnews.kz тілшісі.

Қалалық тұрғын үй-коммуналдық шаруашылық, жолаушылар көлігі және автокөлік жолдары бөлімінің мәліметінше, 30 қазан сағат 09:00-ден 21:00-ге дейін Украинская-Минин көшелерінің шекарасындағы Геринг көшесі бойынша автокөлік құралдарының қозғалысы шектеледі.

Осыған байланысты №5, 10, 11, 55, 57, 66, 14 автобус маршруттарының қозғалыс схемаларына уақытша өзгерістер енгізілетін болады.

№ 5, 10, 55, 57, 66, 14 автобус маршруттары бұл учаскені Нұрмағамбетов көшесімен (Украинская және Минин көшелеріне кірмей) айналып өтетін болады.

№11 автобус бағыты Геринг – Украинская – Нұрмағамбетова – Минина – Геринг көшелерімен жүретін болады.