Мұндай шешім ХҚКО жаңа филиалының ашылуына байланысты қабылданды, деп хабарлайды @Pavlodarnews.kz тілшісі.

ТҮКШ ЖК және АЖ бөлімінің мәліметінше, Луговая көшесі, 16 мекенжайы бойынша ХҚКО көлікке қызмет көрсету бойынша филиалының ашылуына байланысты келушілерге ыңғайлы болу мақсатында ағымдағы жылдың 13 наурызынан бастап №153 шағын класты автобус маршрутының қозғалыс бағытына өзгерістер енгізіледі. 

• Торайғыров көшесі бойымен шығыстан батысқа қарай қозғалыс кезінде Астана көшесіне солға бұрылады, одан әрі оңға бұрылып, Луговая көшесі, 16 мекенжайына дейін барады.
• Кері бағытта Торайғыров көшесі арқылы артқа бұрыла отырып, Астана көшесіне шығады, әрі қарай тиісті бағыт бойынша жүреді.
• Баян батыр көшесі бойымен солтүстіктен оңтүстікке қарай қозғалыс кезінде Айманов көшесіне оңға бұрылады, одан әрі Набережная көшесіне солға бұрылып, Луговая көшесі, 16 ғимаратына дейін барады. 
• Одан кейін кері айналып, Айманов көшесіне оңға бұрылады,   Торайғыров көшесіне оңға бұрылған соң тиісті бағыт бойынша жүреді.