Ол бір жыл бойы оңалтудан өтеді, деп хабарлайды @Pavlodarnews.kz.

Облыстық денсаулық сақтау басқармасының мәліметінше, 13 тамызда 2017 жылы туған бала оң динамикамен ауруханадан үйге жіберілді. Оның жағдайы қанағаттанарлық деп бағалануда.

– Бір ай ішінде қатаң төсек режимін сақтау қажет. Болашақта тұрғылықты жері бойынша оңалту орталығында жыл бойы оңалту қажет, – деді басқармада.

Ал оны терезеден лақтырған анасы әлі ем алуды жалғастыруда. Ол жансақтау бөлімінде ауыр жағдайда жатыр. Оған өкше сүйектері мен оң жақ иық сүйегінің сынуына байланысты операция жасалды.

Еске сала кетейік, 30 шілде күні сағат 13:00 шамасында Нұрмағамбетов көшесінде орналасқан көпқабатты тұрғын үйден 1991 жылы туған әйел 4 және 5-қабат арасындағы баспалдақ алаңындағы терезеден екі баласын итеріп жіберіп, кейін өзі секірген. 

2024 жылғы баланың жағдайының нашарлауына, ішкі қан кетудің ұлғаюына байланысты сол жақ бүйректі алып тастау үшін ота жасалды. Бірнеше күн өткен соң нәрестенің жүрегі тоқтап қалды.

Полиция аталған дерек бойынша «Кісі өлтіруге оқталу» және «Өзін-өзі өлтіруге итермелеу» баптары бойынша қылмыстық іс қозғады. Оқиғаның нақты себептері мен мән-жайы тергеу барысында анықталады.