Павлодарда көпірлерді ретке келтіруде
Жол өткелдерін жуу және бояу бойынша жыл сайынғы жұмыстар басталды, деп хабарлайды @Pavlodarnews.kz тілшісі.
Қала әкімдігі баспасөз қызметінің мәліметінше, бүгінгі таңда Успен көпірі, Химқалашық шағын ауданындағы және Назарбаев даңғылы бойындағы көпірлерді тазалау жұмыстары аяқталды.
Сондай-ақ, қазіргі уақытта Назарбаев даңғылы бойындағы көпірді бояу жұмыстары жүргізілуде.
– 35 адам жұмыс істеуде. Жұмыс 15 сәуір күні аяқталады деп жоспарлануда, – делінген хабарламада.
Павлодар қаласында барлығы 9 көпір бар.
