Павлодарда жүргізуші құқығынан айырылған автобикеш мас күйінде тағы да көлік жүргізді
Автокөлік мамандандырылған тұраққа қойылды, деп хабарлайды @Pavlodarnews.kz тілшісі.
Облыстық полиция департаментінің мәліметінше Павлодар қаласында Абай көшесіндегі үйге қарама-қарсы жерде полиция қызметкерлері «BMW-320 маркалы автокөлікті тоқтатқан.
– Құжаттарды тексеру кезінде полиция қызметкерлері көлік жүргізушісін мас күйінде деп күдіктенді. Олардың күдіктерін медициналық куәландыру нәтижелері растады. Деректер базасы бойынша тексеру кезінде құқық бұзушының 2024 жылдың қыркүйегінде жеті жыл мерзімге жүргізуші куәлігінен айырылғаны анықталды. Автобикешке қатысты тексеру жүргізілуде, көлік мамандандырылған тұраққа қойылды, – деді департаментте.
Тәртіп сақшылары өңір тұрғындарын сақ болуға және осындай фактілерге куәгер болсаңыз, тез арада полиция қызметкерлеріне хабарлауға шақырады. Жол полициясының инспекторлары мұндай ақпаратты алған кезде жедел әрекет етеді.
:max_bytes(150000):strip_icc():focal(679x338:681x340)/dolph-lundgren-rockyIV-072922-1-acdd0970ed784184a6be5b9643f4a016.jpg)