«Ertis Promenade» сахнасының төрінде 80-90-шы жылдардың хит композициялары орындалады, деп хабарлайды @Pavlodarnews.kz тілшісі. 

Иса Байзақов атындағы облыстық филармония баспасөз қызметінің мәліметінше, 15 маусым күні сағат 19:00-де «Retro Mix» концерті өтеді.

– Сауық кешінде поп-музыка жұлдыздары – «ABBA», «Ace of Base», «Boney M», «Ricchi e Poveri», аты аңызға айналған «Мираж» және 80-90-шы жылдардағы басқа хитмейкерлердің композициялары шырқалады, – делінген хабарламада.

Көрермендерді «Ретро» вокалдық ансамблінің қатысуымен жарқын бағдарлама, «Нұр» би ансамблінің үздік хореографиясы, джаз оркестрінің жанды музыкасы, сондай-ақ диджей @levinrinat_ қатысуымен кешкі дискотека күтеді.