Дәрігерлер ерекше балалар санының 1,3 есе өскенін мәлімдеді, деп хабарлайды @Pavlodarnews.kz тілшісі.

2008 жылдан бастап 2 сәуір Дүниежүзілік аутизм туралы ақпарат тарату күні ретінде аталып өтіледі. Бұл күн адамдарға, ерекше балаларды тәрбиелеп отырған ата-аналарға көмектесу, сондай-ақ олардың өмір сүру деңгейін көтеру қажеттілігін атап өтуге арналған.

Осыған байланысты, сәуір айын Павлодар облыстық психикалық денсаулық орталығы өткізетін ашық есік күніне арналды. Аутизмге күдігі бар кішкентай балаларды тұрғылықты жері бойынша емханадан педиатрдың жолдамасымен балалар психиатрлары сағат 9:00-ден 16:30-ға дейін 104 және 105-кабинеттерде тегін консультацияға қабылдайды.

– Өңірде аутизм спектрі бұзылған балалардың өсуі байқалады. Егер өткен жылдың бірінші тоқсанында 540 бала есепте тұрса, биыл 707 бала есепте тұр, – деді орталықтың балалар психиатры Мақпал Тоқаева.

Спикердің айтуынша, аутизм белгілерін балаларда бір жарым жастан бастап анықтауға болады.

АСБ-ның алғашқы белгілерінің ішінде мамандар көзбен байланыстың, жауап ретінде күлімсіреудің және атымен шақырған кезде реакцияның болмауы, дене қимылын шектеулі қолданылуы, нұсқаулық қимылдың болмауы, сөйлемей, дыбыс шығармауы, құрдастар мен бірлескен ойындарға қызығушылықтың аз болуы, заттарды (ойыншықтарды) бір сапқа тұрғызуға ынтасы, жағымсыз мінез-құлық көрінісі: агрессия, өз-өзіне агрессия, өтініштерді орындамау; дыбыстық тітіркендіргіштерге сезімталдықтың жоғарылауын жатқызады.

Мақпал Тоқпанова балада АСБ-ның алғашқы белгілерінде алғашқы диагностика ретінде «M-CHAT» онлайн-тестін қолдануды ұсынады. 

Сілтемені Google арқылы оңай табуға болады. Онлайн тестілеуден өткеннен кейін 2,5 жасқа дейінгі баланың аутизм қаупін анықтауға болады. Бірақ соңғы, нақты диагнозды балалар психиатры анықтайды.

Аутизм спектрі бұзылған балалар үшін 2023 жылы ашылған Жамбыл көшесі, 6-да ашық облыстық оңалту орталығы және Луначарский, 28 мекен-жайында орналасқан «Асыл мирас» орталығы жұмыс істейді.