Олардың салмағы – 1,5 және 1,7  келі, деп хабарлайды @Pavlodarnews.kz тілшісі.

Облыстық жедел жәрдем станциясы баспасөз қызметінің мәліметінше,  соңғы төрт тәулікте Павлодар медавиациясында тоғыз өтінім пысықталған. 31 наурыздан 3 сәуірге дейін облыстық жедел жәрдем станциясының құрамына кіретін медициналық авиация бригадалары бірден әуе көлігімен төрт және жер үсті көлігімен бес шақыртуға шыққан. Дәрігерлердің жоғары біліктілігінің арқасында әр жағдайда пациенттерді тасымалдау кезінде асқынусыз жүзеге асырылды.

–  Медициналық авиация барлық жедел жәрдем қызметі сияқты  түскен әрбір өтінімге жедел ден қояды. Наурыздың соңғы күні жаңа туған нәрестені Екібастұздан Павлодарға шұғыл тасымалдау қажет болды. Балаға туа біткен пневмония және 2-3 дәрежелі тыныс жетіспеушілігі диагнозы қойылды. Бұл жерге неонатолог дәрігері мен тәжірибелі бригада  жіберілді. Кішкентай науқасты тікұшақпен облыстық перинаталдық орталыққа жеткізді, – дейді медициналық авиация меңгерушісі Алмагүл Бейсембинова.

1 сәуірде медавиация жер үсті көлігімен Ақсуға барып, ми қан айналымының жедел бұзылуы анықталған 53 жастағы ер адамды №3 қалалық аурухананың инсульт бөліміне жеткізді. 2 сәуірде бірден бес өтінім пысықталды.  Миокард инфарктісі бар науқастарға екі рет тасымалдау қажет болды. Алдымен мұндай өтінім Аққулы  ауданынан, содан кейін бірден Ақсудан  түскен. 

– Сонымен қатар, Екібастұздан екі шала туған нәресте әуе арқылы Павлодарға жеткізілді.  Олардың салмағы 1,5 және 1,7  келі болды. Ертіс ауданында 32 жастағы әйелде жүктіліктің 35-ші аптасында преэклампсияға байланысты асқыну басталды. Ұрықтың көлденең орналасуын ескере отырып, науқасқа шұғыл операция жасауға орталық аудандық ауруханаға жоғары дәрежелі акушер-гинеколог, реаниматолог және медбике жіберілді. Операциядан кейін жаңа туған баланы ОАА мамандарының қарауында қалдырды. Бірақ оның анасын № 1 Павлодар қалалық ауруханасының гинекологиялық бөлімшесінн тасымалдауға мәжбүр болдық, – дейді Алмагүл Бейсембинова.

Медициналық авиация қызметкерлері 3 сәуірде реанимобильмен Екібастұзда жұлын жарақаты, протрузия және жұлын дискісінің жарығы диагнозы қойылған науқасқа  шықты. Оны № 1 Павлодар қалалық ауруханасы мамандарының бақылауына беру туралы шешім қабылданды.