Сот жол ережесін бұзған азаматқа әкімшілік жаза тағайындады, деп хабарлайды @Pavlodarnews.kz тілшісі.

Қалалық әкімшілік құқық бұзушылықтар жөніндегі мамандандырылған ауданаралық соты азамат Д.-ға қатысты істі қарады.

Іс материалдарына сәйкес, 2026 жылдың ақпан айында ол «Chevrolet Onix» автокөлігін басқара отырып, аула аумағынан шыққан кезде солға бұрылып, төрт жолақты екі бағыттағы жолда қарсы қозғалыс жолағына шығып кеткен.

Сот отырысында Д. жол белгілері мен тыйым салу белгілерінің жоқтығын алға тартып, сондай-ақ қозғалыс бағытын дұрыс анықтай алмағанын айтып, кінәсін мойындамады. Қорғаушы да құқық бұзушылық құрамының жоқ екенін айтып, істі тоқтатуды сұрады.

Алайда сот бұл уәждер ұсынылған дәлелдер жиынтығымен жоққа шығарылатынын атап өтті. Қолданыстағы жол жүру ережелеріне сәйкес, төрт және одан да көп жолағы бар жолдарда қарсы қозғалыс жолағына шығуға тыйым салынады. Сонымен қатар жүргізуші ауладан шыққанда қауіпсіз бағытты таңдап, белгіленген талаптарды сақтауға міндетті.

Нәтижесінде сот Д.-ны ӘҚБтК-нің 596-бабының 3-бөлігі бойынша кінәлі деп танып, оны алты ай мерзімге көлік құралын басқару құқығынан айырды.

Қаулы заңды күшіне енді.