Жеке әншілер  орыс, неміс, поляк тілдерінде де әндер орындайды, деп хабарлайды @Pavlodarnews.kz.

Қалалық мәдениет және тілдерді дамыту бөлімінің мәліметінше,

қалалық ардагерлер кеңесі жанынан құрылған «Замандастар-құрдастар» әншілер ансамблі бес жылдық мерейтойын атап өтті.

Қазақ халқының  мұрасы — ән қазынасын насихаттап  жүрген белсенді 18 қатысушысы бар ансамбльдің баянда сүйемелдеушісі — Құламерген  Бейсембенов, көркемдік жетекшісі — Ләззат Шушаева.

— Құрамында Екібастұз қаласының  ардагерлері мен  ауыл ардагерлері және Халықаралық, республикалық түрлі өнер сайыстарының жеңімпаздары да бар. Ансамбль  қала ардагерлеріне ҚР атаулы күндері, жылда 10-нан аса елді мекенде және облыс  көлеміндегі ардагерлер профилакториясы мен шипажайларда өнерлерімен танылып, ел ықыласына бөленіп жүр, — деді бөлімде. 

Ансамбьлдің бүгінгі күні репертуарында 40-тан аса  халық әні, халық композиторларының әндері, қазақ композиторларының әндерімен қатар эстрадалық әндер де бар. Жеке әншілер  орыс, неміс, поляк тілінде де әндер орындайды. 

Қатысушылардың  үлкені — 86 жаста, орта жасы — 70-те, ең жасы — 65-те. 

Алда Ұлы жеңістің 80 жылдығына арналған обыстық байқауға қатысуға үлкен жоспар жасалып, бекітілген. Ән жанрының барлық түрін  қамтылады: хор, ансамбль, жеке, дуэт, трио, квартет. Қазіргі таңда дайындық басталып кеткен.