Университет ректоры өңірдің 130-дан астам жас педагогтарын жинаған «мамандыққа кіру» семинарының қатысушыларымен кездесті, деп хабарлайды @Pavlodarnews.kz тілшісі.

Павлодар облысындағы білім беруді дамытудың Инновациялық орталығы ұйымдастырған іс-шара жас мұғалімдерге олардың жұмысын реттейтін нормативтік-құқықтық актілермен танысуға мүмкіндік берді.

Университет ректоры Жанбол Жиілбаев қатысушыларды кәсіби жолының басталуымен құттықтап, университет жас мамандарға белсенді қолдау көрсетіп, практикалық көмек көрсетіп, олардың кәсіби дамуына мониторинг жүргізіп жатқанын атап өтті.

– Биылғы жылы білім беруді дамытудың Инновациялық орталығының әдіскерлерінің қатысуымен төртінші курс студенттеріне арналған семинар жоспарланған. Бұл болашақ мұғалімдерге жақсы жұмыс істеу үшін дайындалуға көмектеседі, – деді ректор. 

Дарынды балаларға арналған облыстық көпсалалы лицей-интернатқа үш жас маман қабылданды. ОМЛИОД директорының м.а. Гүлнар Нұрғазина жаңа кадрларды даярлаудың жоғары деңгейін атап өтті.