Павлодар облысының орманшысы: Өрттен маралдың баласын құтқарғанымыз есімде
Бексұлтановтар әулетінің жалпы еңбек өтілі 100 жылдан асады, деп хабарлайды @Pavlodarnews.kz тілшісі.
Қадырбек Бексұлтанов 1965 жылы 11 қарашада Шарбақты ауданының Есілбай ауылында дүниеге келген. «Ертіс орманы» резерваты Шалдай филалы Сейтен орманшылығына 1988 жылы орманшы ретінде қабылданған. 2005 жылдан орман шебері, 2008 жылы осы орманшылықта бас орманшысының көмекшісі лауазымына тағайдалған. Қазіргі таңда Сейтен орманшылығы бас орманшысының орынбасары.
– Бұл мамандықты таңдағаныма еш өкінбеймін. Орманшы болу үшін алдымен орманды жақсы көру керек. Осы жерде жұмыс істеп жатқаныма 37 жылдан асты. Орман – еліміздің баға жетпес байлығы. Орманшылар еңбеу әулетінен боламыз. Атам – 40 жыл, әкем – 37 жыл, інім 20 жыл жұмыс істеген, – дейді Қадырбек Бексұлтанов.
Ораманшы көктемде орманды қалпына келтіру, жасыл желекті күтіп, баптау, заң бұзушылықтан қорғау, аңдар мен құстарды қорғау жұмыстарын атқарады. Аумағы 15642 гектарды құрайтын Сейтен орманшылығында барлығы қырық адам еңбек етеді.
– Есте қалған ерекше бір жайттар өте көп. Бірде өрт сөндіріп жүргенде екі елікті өрт ішінен алып шықтық. Олар оттан қорқып қалған екен. Өрттің ішінде анасынан адасып кеткен бұланның баласын шешесіне қостық. 1986 жылы жұмысқа тұрғанда үлкен адамдармен жұмыс істедім. Бұл істің қыр-сырын үйретіп, тәжірибе берген адамдарға алғысым зор, – дейді орманшы.
Бексұлтановтар отбасының алты ұрпағы өз өмірін орманмен байланыстырған. Әулеттің орман шаруашылығындағы жалпы еңбек өтілі – 100 жылдан астам.
– 90-шы жылдармен салыстырғанда қазіргі таңда орманшылықтың техникалық жабдықтауы жақсы. Заң бұзушылықтар да тыйылды. Бұл жерде елік, бұлан, марал, қоян, түлкі, сілеусін және басқа да аңдар мен жануарлар мекендейді. Ал оларды қорғау – біздің міндетіміз, – дейді Қадырбек Бексұлтанов.
Қадырбек Бексұлтанов адал еңбегі үшін бірнеше рет резерват басшылығының грамоталарымен, 2017 жылы көп жылғы адал еңбегі үшін ҚР АШМ Орман шаруашылығы және жануарлар дүниесі комитетінің Құрмет грамотасымен марапатталған.
Посмотреть эту публикацию в Instagram
