Ішкі істер министрінің бұйрығымен екі қызметкерге мерзімінен бұрын арнаулы атақтар берілді, деп хабарлайды @Pavlodarnews.kz тілшісі.

Облыстық полиция департаменті баспасөз қызметінің мәліметінше, іс-шара барысында ҚР Ішкі істер министрі Ержан Сәденовтің атынан үздік полиция қызметкерлеріне медальдар, грамоталар және алғыс хаттар табысталды.

Атап айтқанда:

• капитан Әлібек Мұхамеджановқа кезекті «полиция майоры» арнаулы атағы мерзімінен бұрын берілді;
• Әкімбек Әлназаровқа мерзімінен бұрын «полиция капитаны» атағы берілді;
• Ертай Күсемісов «Құқық тәртібін қамтамасыз етуге қосқан үлесі үшін» медалімен марапатталды;
• Әділет Сапаров пен Бақытбек Байдүйсенов «Ішкі істер органдарының үздігі» медалін алды;
• Сайран Душимов ҚР ІІМ Құрмет грамотасымен марапатталды;
• Дастан Исенов пен Рустам Баштаевқа алғыс хаттар табысталды.

Полиция департаменті бастығының орынбасары Жандос Орынбаев жиналғандарды құттықтап, Конституцияның ел бірлігі мен қоғамдық келісімді нығайтудағы маңызды рөлін атап өтті. Ол қызметкерлерге қызметте табыс тіледі.