Павлодарда №57 автобустың қозғалыс бағыты уақытша өзгертілді
Оған Мақатаев көшесіндегі жөндеу жұмыстары себеп болды, деп хабарлайды @Pavlodarnews.kz тілшісі.
23 шілдеден бастап Павлодар қаласындағы Мақатаев көшесінің Ж.Мұса көшесінен Әжібаев көшесіне дейінгі аралығында жөндеу жұмыстары жүргізіледі. Осыған байланысты аталған аумақта көлік қозғалысына уақытша шектеу қойылады.
Осы өзгерістерге байланысты №57 автобус маршрутының жүру сызбасы уақытша жаңартылды.
Солтүстіктен оңтүстік бағытқа қатынайтын автобус Кенжетаев көшесінен Жаяу Мұса көшесіне шығып, әрі қарай Нұрсұлтан Назарбаев даңғылы – Кузнецкая көшесі – Мақатаев көшесі арқылы жүріп, кейін бұрынғы бағытына оралады.
Ал кері бағытта автобус Н. Назарбаев даңғылы – Мақатаев көшесі – Баймульдин көшесі – Н. Назарбаев даңғылы – Ж. Мұса көшесі – Кенжетаев көшесі арқылы қозғалады.
Жөндеу жұмыстары толық аяқталғанға дейін №57 автобус уақытша белгіленген жаңа бағытпен қатынайды.
