«Атамекен» ӨКП директорының орынбасары Жомарт Сембаев Тереңкөл және Железин ауданында кәсіпкерлермен кездесті, деп хабарлайды  @Pavlodarnews.kz тілшісі.  

Павлодар облысы кәсіпкерлер палатасының мәліметінше,  жиынға облыстық, аудандық мемлекеттік органдардың, әкімдіктердің, республикалық қаржы институттары өңірлік филиалдарының өкілдері және ауылдық округтердің басшылары қатысты. 

Тереңкөлдің «Шаров», «Лысов» және «Ереке» шаруа қожалықтары көктемгі суару жұмыстарына бөлінетін дизель отынының сапасыздығына шағымданды. 

  –   Өрістерге шығу үшін жанар-жағармай материалдарын алған кезде жанар-жағармай тасымалдаушылар арасында таңдау жоқ және үнемі көлемі дұрыс болмайды, – дейді фермерлер. 

Ал железиндік «Жұмабек Агро» шаруа қожалығы несие шарттарын ұзартқаннан кейін он екі ай бойы несие ала алмай отыр, десе де Премьер-министр өз сөзінде мұндай тәжірибе жойылатынын айтқан. Жерді кепілге алмауына байланысты «Ата жер» шаруа қожалығына да несие берілмеген,  себебі бұл учаске үш айға жалға ұсынылған. Сондықтан жалдау мерзімін ұзарту мүмкін бе екенін сұрады. 

Сондай-ақ «Алтын жер» ЖШС 2022 жылғы мемлекеттік сараптаманың қажет болуына байланысты астық қоймасының инвестициялық жобасын пайдалануға бергеннен кейін субсидия  ала алмай отыр.