Көрмеде  40 көркем суреттер ұсынылды, деп хабарлайды @Pavlodarnews.kz

Н.Нұрмұхаммедов атындағы облыстық көркемсурет музейінде белгілі суретші, өлкетанушы, фотограф, Ұлы Отан соғысына қатысушы Иван Лагутиннің туғанына 110 жыл толуына орай көрме ашылды. Көрмеде жылдар бойы шебер жасаған 40 көркем сурет, 11 графикалық жұмыс және мұражай қорынан 15 фотосурет ұсынылды. 

Иван Лагутин 1913 жылы 22 шілдеде революцияға дейінгі Ресейде, Самара губерниясында дүниеге келген. 1920 жылы оның ата-анасы алдымен Черноярка ауылына, ал уақыт өте келе Павлодарға көшті.

1947 жылы Д. П. Багаевтың шақыруымен Иван Лагутин облыстық тарихи-өлкетану музейіне жұмысқа орналасты. 1958-1966 жылдары тарихи-өлкетану мұражайын басқарды. 1958 жылдан бастап Павлодарда алғашқы көркемөнер көрмелерін ұйымдастырды. 1960 жылдары Иван Васильевичтің бастамасымен және Л.Г. Плахотнаяның қатысуымен тарихи-өлкетану мұражайында көркемсурет бөлімі пайда болды, содан кейін оның негізінде 1964 жылы-Павлодар көркемсурет мұражайы, Қазақстандағы алғашқы облыстық бейнелеу өнері мұражайы пайда болды.

Иван Васильевич Баянауыл мен Ертістің табиғатын жазуды өте жақсы көрген. Пейзаж суретшісінің басты міндеті-көрерменге табиғатқа қараған кездегі көңіл-күй мен эмоцияларды олардың барлық өткірлігімен жеткізу.

Бұл көрмеде Қазақстанның табиғи жерлері мен Баянауылдың түрлі көркем, тарихи, көрнекті орындарын, Ертістің жағалауын тамашалауға болады.

Көрме 14 тамызға дейін жұмыс істейді.