- Бұл күні әдебиет пен өнердің көптеген жанрлары мен түрлері ұсынылады. Бұл саяхатта біздің оқырмандар өнердің тағы бір қызықты түрін - мультипликациямен (анимация) таныса алады. Фестивальдің ашылуында көрші мемлекеттің авторлары алғаш рет көрермендердің назарына пластилиндік анимация техникасында жасалған мультфильмді ұсынады, - делінген хабарламада.

Сюжеттің негізінде орыс жазушысы Елена Ткач жазған «Савка туралы аңыз» жатыр. Оны қазақ тіліне аударған павлодарлық ақыны, Қазақстан Жазушылар одағының мүшесі Айбек Оралхан.

- «Савка» мультфильмі - бұл екі кітапхананың яғни Қарасұқ ауданының орталық кітапханасы мен Павлодар облыстық кітапханасының бірлескен жобасы. Мультфильмді екі тілде Павлодар және Қарасұқ қалаларының педагогикалық колледждерінің студенттері дыбыстады, - деп толықтырды ұйымдастырушылар.

«Сила искусства» арт-фестивалінің бағдарламасында қазақстандық және ресейлік суретшілердің балалар кітаптары иллюстрацияларының көрмесі, сонымен қатар павлодарлық және шетелдік шеберлердің шығармашылық мастер-кластары бар.
Фестивальге қатысу тегін.

Шара 28 қыркүйекте сағат 9:00-де басталады.