Тереңкөл ауданында екі көлік соқтығысты
Жүргізушілердің біреуі медициналық көмекке жүгінді, деп хабарлайды @Pavlodarnews.kz тілшісі.
Облыстық полиция департаменті баспасөз қызметінің мәліметінше, Тереңкөл-Михайловка автожолында «УАЗ Патриот» және «Audi 80» көліктерінің соқтығысы орын алды. «Audi» автокөлігінің жүргізушісі медициналық көмекке жүгінді.
Қазіргі уақытта тергеу жүргізілуде, экспертизалар тағайындалды. Автокөліктер айыптұраққа қойылды.
