Өнімділік бойынша Agro Trade PV компаниясы да үздік ондыққа енді, деп хабарлайды  @Pavlodarnews.kz тілшісі.

ҚР Ірі қара малдың сүт және аралас тұқымдарының республикалық палатасы мен ElDala.kz сайты төртінші жыл қатарынан фермерлердің деректері негізінде Қазақстанның сүт саласы көшбасшыларының рейтингін  жариялады. 

–  Біз 2021, 2022 және 2023 жылдардағы сиырлардың сауу деңгейі бойынша рейтингтерін салыстырып, даму динамикасын көрдік, –  деді ірі қара малдың сүт және аралас тұқымдары республикалық  палатасының атқарушы директоры Азамат Сағынбаев. – Сала көшбасшылары біздің жоғарғы қатарымызды алады. Бірінші орында екінші жыл қатарынан «Отан» Агрофирмасы бар. 2023 жылы екінші орында – «Айс», бұрын ол үшінші орында болған.

Бірақ ондықтың жартысын алдыңғы жылдары ТОП-10-ға қатыспаған жаңа қатысушылар құраған. Оның ішінде Павлодар облысынан Agro Trade PV тауарлы сүт фермасы да бар. Компания құрылысымен қатар суармалы алқаптарды да енгізді.

Agro Trade PV картоп, дәнді дақылдар, көкөністерді сақтау, ірі қара мал өсіру, сүт өндірумен айналысады. 2021 жылы 1,2 мың басқа арналған тауарлы сүт фермасының құрылысын жүргізді. 2022 жылдың күзінде Даниядан ірі қара малдың гольштейн тұқымдас алғашқы партиясын әкелді. 2023 жылдың сәуір-мамыр айларында екінші партиясы жеткізілді. 

Айта кетерлігі, ElDala.kz командасы шілденің екінші жартысында төртінші «Агрокараван сүті 2024» өткізеді. Еліміздің бес облысында - Қарағанды, Ақмола, Солтүстік Қазақстан, Павлодар және Ақтөбе облыстарында 10 шаруашылыққа бару көзделіп отыр.