Өткен жылғы алғашқы тәжірибе жергілікті көкөніс өсірушілер үшін сәтті болды, деп хабарлайды @Pavlodarnews.kz тілшісі.

Бұл жайлы Өңірлік коммуникациялар қызметінде өткен баспасөз конференциясында Павлодар ауданының әкімі Николай Дычко мәлім етті. 

 – Биылғы жылы жалпы сыйымдылығы 32,6 мың тонна климаттық режимде реттелетін төрт көкөніс қоймасы салынады, – деді Николай Дычко.

Павлодар ауданы ауылшаруашылық өнімдерін өндіру бойынша облыста көш бастап тұр. Ол облыстағы жалпы ауыл шаруашылығы өнімінің 16,8 %, оның ішінде ет өндірісінің 23,3 %, сүттің 15,8 % құрайды.

Төрт айда ауданның ауыл шаруашылығының жалпы өнімі 10,9 миллиард теңгеге жетті. Бұл – өткен жылмен салыстырғанда 9 пайызға жоғары. 

Еске сала кетейік, бұған дейін Николай Дычко Павлодар облысында Ертіс-Успен каналында жүйелі суару қалай қалпына келтіріліп жатқанын айтқан болатын.