Байқауға қатысушылар кез-келген технологияны пайдаланып, арбаларды әрлеуі керек, деп хабарлайды @Pavlodarnews.kz тілшісі.

«AMANAT» партиясы қалалық филиалы баспасөз қызметінің мәліметінше, «Екібастұз «балалар қоры» 26 шілде күні «Қайнар» білім беру және бос уақытты қамту кешенінің аумағында сағат 15:00-де «Бесік арбалар шеруі» қалалық байқауын жариялайды.

Байқауға 4 жасқа дейінгі балалары бар (ата-аналар және олардың туыстары) толық емес отбасылар, атаулы әлеуметтік көмек алушылар, көпбалалы отбасылар және мүмкіндігі шектеулі балаларды тәрбиелеп отырған отбасылар қатыса алады. Қатысушыларға қолдау топтарын тартуға болады.

– Байқауға қатысушылар арбаның қозғалысына кедергі келтірмейтін және басқаларға қауіп төндірмейтін кез келген технологияны және қосымша құрылғылар мен керек-жарақтарды пайдалана отырып, балалар арбасын (жазғы немесе қысқы нұсқа) әрлеуі керек, – дейді ұйымдастырушылар.

Қатысу үшін 20 шілдеге дейін 051272-72@mail.ru электронды поштасына өтінім жіберу керек. Қосымша сұрақтар үшін +7(701)523-52-41 (Татьяна Викторовна) нөміріне хабарласуға болады.