Қатты жел өрт сөндіруді қиындатты,  деп хабарлайды @Pavlodarnews.kz.

Облыстық ТЖД баспасөз қызметінің мәліметінше, 9 қараша күні сағат 22:06-да кезекшінің пультіне Ертіс ауылында дүкеннің жанып жатқаны туралы хабарлама келіп түсті.

Оқиға орнына келген 9-ӨСБ және жергілікті атқарушы органдардың өрт сөндіру бекеттері дереу бір қабатты дүкендегі отты сөндіруге кірісті. 

Өртті ауыздықтау жұмыстарына екпінді жел мен боран қиындатты. Қосымша көмекке 15-ӨСБ қызметкерлері жіберілді. Өрт сағат 05: 44-те жалпы 470 шаршы метр алаңда сөндірілді. Зардап шеккендер жоқ.

Барлығы 19 адам, 6 техника және 2 су тасушы көлік жұмылдырылды. Өрттің себебі анықталуда.