Мемлекеттік қызмет көрсету кезінде азаматтың құқығы бұзылған, деп хабарлайды @Pavlodarnews.kz тілшісі.

Мемлекеттік қызмет істері агенттігінің (МҚІА) Павлодар облысы бойынша департаментіне В. есімді азамат «Жер учаскесінің жалдау мерзімін ұзарту» мемлекеттік қызметін көрсету барысында орын алған заңбұзушылыққа қатысты шағым түсірген.

Өтініш негізінде жүргізілген жоспардан тыс тексеру мемлекеттік қызмет көрсету тәртібінің бұзылғанын анықтады.

Нәтижесінде аумақтық департамент тиісті шаралар қабылдап, жалпы ауданы 464,8 гектар жер учаскелерін 25 жыл мерзімге жалға беру шарттарын рәсімдеді. Жер учаскелерінің кадастрлық құны 3 360 000 теңгені құрайды.

Сонымен қатар, заңбұзушылыққа жол берген лауазымды тұлға әкімшілік жауапкершілікке тартылды.