Айдың соңында қар аралас жаңбыр жауады, деп хабарлайды @Pavlodarnews.kz.

«Қазгидромет» РМК-ның мәліметінше, күздің алғашқы айында орташа температура +12,6...+14,2°С болады. 

Қыркүйектің алғашқы онкүндігінде ауа температурасы түнде +5...+10°С-тан +10...+15°С-қа дейін түсіп, күндіз +24...+29°С-тан +30...+35°С-қа дейін көтеріледі.

Айдың екінші онкүндігінде ауа температурасы түнде +5...+10°С-тан 0...+5°С-қа дейін төмендеп, 2°С үсік болады. Күндіз +18...+23°С-тан +13...+18°С-қа дейін жылынады. 

Қыркүйектің соңында ауа температурасы суытады: түнде +5...+10°С, облыстың батысында +13°С-тан  -1...-6°С-қа дейін, ал күндіз сынап бағанасы +18...+23°С, шығыста +26°С-тан +8...+13°С, облыстың оңтүстігінде +5°С-қа дейін төмендей түседі. 

Жауын-шашын мөлшері нормаға жуық болады деп күтілуде. Жаңбыр айдың екінші жартысында, үшінші онкүндіктің басында және соңында күтіледі. Үшінші онкүндіктің басында жаңбыр аралас қар жауады. Желдің жылдамдығы секундына 15-20 метрге дейін соғады.