Сондай-ақ төрт ересек адам зардап шекті, деп хабарлайды @Pavlodarnews.kz.

Облыстық жедел жәрдем станциясы баспасөз қызметінің мәліметінше, 22 маусымда сағат 09:20-да Павлодар қаласы мен Ақтоғай ауылы арасында жол апаты орын алғаны туралы шақыру түсті. Оқиға орнына жедел жәрдем бригадалары мен аудандық аурухана шыққан. 

–  Зардап шеккендердің бесеуі Ақтоғай аудандық ауруханасына жеткізілді. Олар –  31 және 60 жастағы екі ер адам, 58 жастағы әйел, 29 жастағы қыз және үш жасар бала, –  деп хабарлады басқармада. 

Әйелдердің жағдайы ауыр, бірақ тұрақты деп бағаланады. Оларды облыс орталығына тасымалдау үшін санавиация шақырылған. Ер адамдардың жағдайы қанағаттанарлық, амбулаторлық емге жіберілген.