Үш ер адам алдын ала сөз байласу арқылы қылмыс жасаған, деп хабарлайды @Pavlodarnews.kz.

Астана қалалық сотының қылмыстық істер жөніндегі сот алқасы өзінше билік ету және адамды ұрлау фактісі бойынша үш ер адамға қатысты қылмыстық іс бойынша адвокаттардың, қорғаушылардың және сотталғандардың апелляциялық шағымдарын қарады (ҚК 125-бабы 2-бөлігінің 1) тармағы, 389-бабының 3-бөлігі).

Бірінші сатыдағы сотта ер адам екі танысының жәрдемдесуі арқылы қасақана әрекет ете отырып, топпен алдын ала сөз байласуы арқылы адамды ұрлап, еркінен тыс Астана қаласынан Павлодар қаласына әкеткен. Айыпталушылар оны жалға алынған пәтерде ұстаған. Үшінші ер адам екі миллион теңге сомасына материалдық залал келтірген астаналыққа қатысты өзінше билік еткені анықталды.

– Ш. адамды ұрлағаны және өзінше билік еткені үшін кінәлі деп танылып, қылмыстар жиынтығы бойынша 7 жыл 6 айға бас бостандығынан айырылды. Х. және У. адамды ұрлауға көмектескені үшін кінәлі деп танылып, әрқайсысына 7 жыл мерзімге бас бостандығынан айыру жазасы тағайындалды, – деді Астана қалалық сотының баспасөз қызметінде.

Астана қалалық сотының қылмыстық істер жөніндегі сот алқасы апелляциялық шағымдарды қарау нәтижелері бойынша үкімді өзгеріссіз қалдыру, адвокаттардың, қорғаушылар мен сотталғандардың апелляциялық шағымдарын қанағаттандырусыз қалдыру туралы шешім қабылдады.

Үкім заңды күшіне енді.