Зауыт жұмысшылары үшін концерт ұйымдастырылды, деп хабарлайды  @Pavlodarnews.kz тілшісі.

ERG Service Павлодар машина жасау зауытының ұжымы Машинақұрастырушылар күнін атап өтті.

Таңертеңнен бастап зауыт жұмысшылары мерекелік атмосфераны сезінді. Өздеріңіз білетіндей, жұмыс күні еңбек ұжымында таңертең ерте басталады. ERG Service басшылығы өз қызметкерлеріне музыкалық тосын сый жасады. Павлодарлық кавер-топ таңертеңгі жетіден бастап  кіреберістегі өткелдің жанындағы импровизацияланған сахнада үздік шетелдік және қазақстандық хиттерді орындады.

Зауытқа асығып бара жатқан жұмысшылар бір сәтке күлімсіреп  тоқтап, керемет концертті камераларына түсіріп алды. Әрі қарай ырғаққа қосылып, би билей бастады. Мұнда түрлі-түсті фото аймақ орнатылды. Адамдар  бір-бірімен және топ болып суретке түсті. Барлығы смартфонда керемет естеліктерді сақтағысы келді.

Компания басшылығынан тағы бір жағымды тосын сый болды. Кіреберісте барлық зауыт қызметкерлеріне кәсіпорын эмблемасымен безендірілген зімбір пряниктері ұсынылды.

Людмила Полянская мерекеге қатты қуанды. Ол жеті жылдан бері зауыттың техникалық бақылау бөлімінде, ал корпорацияның өзінде жиырма жылдан астам жұмыс істейді.

– ERG – біздің компания, ең керемет кәсіпорын. Көрдіңіз бе, бізді осылай қарсы алады! Біз өте қуаныштымыз, өйткені бізге көп көңіл бөліп, қамқорлыққа бөлейді. Бұл қымбет сыйлық, – деді зауыт бақылаушысы.

Токарь Андрей Поволоцкийдің де көңіл күй көтерілді.

– Осындай керемет концерт үшін рахмет! – деп алғысын білдірді.

Жанна Бухарева зауытта бір жарым жыл жұмыс істейді, бірақ басшылықтың ұжымға  қалай қамқорлық танытып отырғанына өте қуанышты.

– Бүгін бәріміз әдемі киініп келдік, мерекеге дайындалып жатырмыз. Бізде осындай керемет әрі тату ұжым бар. Осындай сыйлық үшін зауыт басшылығына алғысымыз зор, – деді ол.

Кәсіпорынның тәжірибелі қызметкерлері арасында Наталья Гришкова мен Тамара Испаева да мерекеге өте қуанды. 

– Баршаңызға мереке құтты болсын! Барлығына таусылмас күш пен жігер, керемет идеялар, кез келген ресурстарды ұтымды пайдалану, үйлесімді жұмыс және бәрімізге үлкен табыс тілейміз! –  деп жұмысшылар әріптестеріне тілек білдірді.

Сол күні зауыт жұмысшылары «ERG Service» ЖШС басшылығы ұйымдастырған салтанатты іс-шараға да қатысты. Машина жасау зауытының еңбек ұжымын бірінші болып компанияның бас директоры Сергей Перепечин құттықтады.

– Машинақұрастырушылар күні – бұл шешім қабылдауға және жауапкершілікті өз мойнына алуға қабілетті, қиын, бірақ маңызды кәсіппен айналысатын рухы мықты адамдардың мерекесі деп айтуға болады, – деп атап өтті Сергей Перепечин. – Машинақұрастырушылар саласының маңызы зор, ел экономикасын дамытуда шешуші рөл атқарады. Біздің жетістігіміздің сыры – қиындықтар бізді бәсеңдетпейді, керісінше бізді күшейтеді, қиындықтардың арқасында дамимыз.

Ол соңғы екі жылда ERG Service көпсалалы холдингке айналып, үлкен даму серпілісін жасағанын атап өтті. Бүгінде оны Павлодар облысының кәсіпорындары ғана емес, Рудный қаласының кәсіпорындары да ұсынады.

– Біз кәсіпорынның өз қуатын жүктеуге, өнімнің жаңа түрлерін және жөндеу бағытын игеруге, топішілік айналымды одан әрі арттыруға мүмкіндік беретін үлкен жұмыс істедік, – деді «ERG Service» ЖШС бас директоры.

Сергей Перепечин зауыт инженерлеріне сапалы жұмысы, кәсібилігі және жоғары шеберлігі үшін алғыс айтты.

Осыдан кейін марапаттау рәсімі басталды. Алғашқылардың қатарында «Құрметті машина құрастырушы» төсбелгісін автоматты және жартылай автоматты машиналарда электрмен дәнекерлеуші Леонид Солоненко алды.

Леонид Солоненко зауытта жиырма жылдан бері жұмыс істейді. Ол қазір алтыншы дәрежелі кәсіпқой маман.

– Мен компания басшылығына менің еңбегімді жоғары бағалағаны үшін өте ризамын. Мен зауытқа атамның жолын қуып келдім. Әрине, зауыт жылдар бойы өсті. Мен өзімнің кәсіпорнымның игілігі үшін жұмыс істей беремін, – деді зауыт жұмыскері.

Кәсіпорынға сіңірген еңбегі үшін бірқатар қызметкерлер Алғыс хаттармен марапатталды, жеке қызметкерлерге құрмет тақтасына орналастыруға сертификаттар табысталды. «ERG Service еңбек ардагері» атағын инженер-конструктор Сергей Григорьев алды, бақылаушы-станокшы Наталья Красноперова кәсіпорынның еңбек сіңірген қызметкері  деп танылды.

Мерекенің соңында лотерея ұтысы болды. Алты зауыт қызметкері он мың теңгеге ірі сауда үйлерінің біріне сертификат алды.